एक कोटी महिलांना मिळणार प्रत्येकी एक एक लाख, उत्तर प्रदेशच्या सरकारने थेट..

महाराष्ट्र विधानसभा निवडणुकीच्या तोंडावर राज्य सरकारने लाडकी बहीण योजना आणली. या योजनेचा फायदा इतका जास्त झाला की, राज्यात थेट महायुतीचे सरकार आले. सरकारकडून प्रत्येकी दीड हजार रूपये महिलांच्या खात्यावर टाकली जातात. महिलांनी या योजनेसाठी महायुती सरकारला भरभरून मतदान केले. आता उत्तर प्रदेशच्या विधानसभा निवडणुका आहेत. यादरम्यानच उत्तर प्रदेश सरकारने मोठी घोषणा केली. एक कोटी महिलांना एक एक लाख रूपये दिली जाणार आहेत. ही रक्कम थेट त्यांच्या खात्यात जमा केली जाईल. ही अत्यंत मोठी घोषणा म्हणावी लागणार आहे. पहिला हप्ता 20 डिसेंबरला जारी केला जाईला. विशेष म्हणजे महिलांना विशेष क्रिडिट कार्ड दिले जाईल. ही योजना तीन वर्षांसाठी लागू केली जाणार आहे.

उपमुख्यमंत्री केशव प्रसाद माैर्य यांनी म्हटले की, सरकार महिलांना सशक्तीकरण करण्यासाठी प्रयत्न करत आहे. नरेंद्र मोदी आणि सीएम योगी आदित्यनाथ सतत याकरिता काम करत आहेत. ग्राम विकास विभागाची महत्वाची बैठक झाली. करोडो महिलांना या योजनेचा फायदा देण्यासाठी काम सुरू आहे. एक कोटी दिदींना पहिला हप्ता 20 हजार दिला जाईल.

या पैशातून महिला छोट्या व्यवसायाला सुरूवात करू शकतात. हेच नाही तर महिलांना विविध प्रकारचे व्यावसायिक प्रशिक्षणही दिले जाईल. दुसऱ्या टप्प्यात महिलांना 30 हजार दिले जातील. तिसरा टप्प्यात 50 हजार सरकारकडून दिली जातील. उपमुख्यमंत्र्‍यांच्या सूचनेनुसार, पात्र महिलांना योजनेचा लाभ डीबीटीच्या माध्यमातून त्यांच्या खात्यात पैसे दिले जातील. हेच नाही तर योगी सरकारकडून मुलींना 50 हजार स्कूटी खरेदी करण्यासाठीही दिली जात आहेत.

सरकारने मागच्या बजेटमध्ये याबाबत घोषणा केली होती. कंपन्यांसोबत संपर्क साधला जाऊ शकतो. महिला व मुलींना आकर्षिक करण्यासाठी सरकारकडून विविध योजना आणल्या जात आहेत. निवडणुकीच्या तोंडावर महिलांसाठी अशाप्रकारच्या योजना आणल्या जात आहेत. या योजनेमुळे थेट निवडणुकीत फायदा होताना दिसत आहे. त्यामुळे अशाप्रकारच्या योजना या सरकारकडून आणल्या जात आहेत.