नेपाळमधून आलेल्या पाण्याने हाहाकार, मंदिर, मस्जिद आणि गावे पाण्याखाली, भारतात थेट..

Flood

नेपाळमध्ये 26 ऑगस्ट रोजी जलप्रलय झाला. ज्यानंतर काहीच राहिले नाही. सर्वकाही या पुराच्या पाण्यात वाहून गेले. हा पूर किती जास्त भयंकर होता हे जगाने पाहिले. हजारो लोक बेपत्ता आहेत. भोटेकोशी नदीला महापूर आल्याने जनजीवन विस्कळीत झाले. घरदार, पूल, इमारती सर्व काही वाहून गेले. गावेच्या गावे पाण्याखाली गेली. या महापुराचे काही धक्कादायक व्हिडीओ देखील पुढे आले. हे व्हिडीओ पाहून सर्वांनाच मोठा धक्का बसला. नेपाळमध्ये आलेला पूर  भयंकर होता, हे व्हायरल व्हिडीओतून दिसत आहे. चारही बाजूने पाणीच पाणी सर्वकाही वाहून जात होते. लोक घराच्या छतावर येऊन मदत मागत होते. आजुबाजूचे घर वाहून गेली. मुलगा, मुलगी, वडील, बायको, आई असे आपल्या कुटुंबातील कोणीच दिसत नसल्याचेही चित्र नेपाळमध्ये बघायला मिळाले. त्यातच नेपाळमध्ये पुन्हा एकदा पुराचा धोका आहे.

नेपाळमध्ये परिस्थिती पुन्हा बदलली आहे. अनेक भागात अतिमुसळधार पावसाला सुरूवात झाली. त्यातच नेपाळमधून आलेल्या पाण्याने बाराबंकीच्या हेतमापुरमध्ये मस्जिद, शिव मंदिर आणि काही घरे पाण्याखाली गेली. नदीच्या पाण्याचा प्रभाव वाढत आहे. नदीच्या पाण्याचा वाढता प्रवाह पाहून गावातील लोकांना सुरक्षितस्थळी हलवण्यात आले. रामनगरच्या तहसीलदारांच्या माहितीनुसार, शरयू नदी शनिवार रात्रीपर्यंत शांत होती.

रात्री दोननंतर नदीच्या पाणी पातळीत वाढ झाली. सर्वात अगोदर नदीजवळ असलेली मस्जीद पाण्याखाली गेली. त्यानंतर काही वेळात शंकरजीचे मंदिर वाहून गेले. ग्रामस्थांमध्ये भीतीचे वातावरण बघायला मिळाले. पशु वैद्यकीय हॉस्पिटलपर्यंत पाणी पोहोचले. परिस्थितीचे गांर्भि‍य पाहून एडीएम निरंकार सिंह, एसपी अर्पित विजय वर्गीय, एएसपी विवेक तिवारी आणि सीएमओ डॉक्टर रंजन गाैतम यांच्यासह हेतमापुरमध्ये अधिकारी पोहोचले.

ग्रामस्थांच्या माहितीनुसार, हेतमापुरमध्ये 18 वर्षात कधीच असे नदीचे रूप बघायला मिळाले नाही. मंदिर, मस्जीद सर्वकाही पाण्याखाली आहे. काही घरेही वाहून गेली आहेत. शेतीही नदीच्या पाण्याखाली गेली. ज्यामुळे धोका अधिक वाढताना दिसत आहे. नेपाळमध्ये परिस्थिती पुन्हा एकदा बिघडताना दिसत आहे.