भारताचा बेस्ट PM कोण? अभिजीत दिपके यांच्या उत्तराने उंचावल्या भुवया, आवडत्या मुख्यमंत्र्याचं नावही सांगितलं

अभिजीत दिपके, नरेंद्र मोदी

क्रॉकोच जनता पार्टीचे (Cockroach Janta Party) संस्थापक अभिजीत दिपके यांनी एका खास प्रश्नाचे वेधक उत्तर दिले. देशातील आतापर्यंतचा सर्वोत्तम पंतप्रधान कोण असा प्रश्न त्यांना विचारण्यात आला. त्यावर पंडित जवाहरलाल नेहरू हे सर्वोत्तम पीएम असल्याचे उत्तर दिपके यांनी दिले. त्यावर सीजेपीचे आशुतोष रांका यांनी हे उत्तर योग्य असल्याचे म्हटले. सौरव दास यांनी सुद्धा या मताला दुजोरा दिला. एका कार्यक्रमात या तीनही नेत्यांनी देशाचे पहिले पंतप्रधान नेहरू सर्वोत्तम असल्याचे म्हटले आहे. ते सर्वात कुलेस्ट पंतप्रधान असल्याचे दीपके म्हणाले. दीपके हे दिल्लीतील जंतरमंतरवरील आंदोलनामुळे भारतातच नाही तर जगभरात प्रसिद्ध झाले आहेत. त्यांच्या आंदोलनामुळे केंद्रीय शिक्षण मंत्री धर्मेंद्र प्रधान यांना राजीनामा द्यावा लागला होता.

आवडता मुख्यमंत्री कोण?

सर्वोत्तम पंतप्रधान कोण याचे उत्तर दिल्यानंतर अभिजीत दिपके यांनी आवडत्या मुख्यमंत्र्यांचे नावही सांगून टाकले. तामिळनाडूचे माजी मुख्यमंत्री एमके स्टॅलिन, केरळचे माजी मुख्यमंत्री पिनाराई विजयन आणि दिल्लीचे माजी मुख्यमंत्री अरविंद केजरीवाल यांची नावं दिपके यांनी जोडले. स्टॅलिन यांना अर्थशास्त्राची चांगली माहिती असल्याचे त्यांनी सांगितले. पिनराई विजयन यांच्या केरळमधील हेल्थ मॉडलचे त्यांनी कौतुक केले. अरविंद केजरीवाल यांनी दिल्लीत शाळा आणि आरोग्य विषयात चांगले काम केल्याचे त्यांनी सांगितले.

5 सप्टेंबर रोजी दिल्लीत सीजेपी आंदोलन

5 सप्टेंबर रोजी दिल्लीत सीजेपी आंदोलन करणार आहे. त्याची घोषणा करण्यात आली आहे. शिक्षक दिनाच्या निमित्ताने आंदोलनाची हाक देण्यात आली आहे. देशातील शाळांची आणि शिक्षणाची बिकट अवस्था, मूलभूत सोयी-सुविधांचा अभाव, ग्रामीण भागासह प्रशासकीय उदासिनता यावर भाष्य करण्यात येणार आहे. तर 25 जुलै रोजी केंद्र सरकारने जी काही आश्वासनं दिली होती. त्यातील एकही आश्वासन पाळलं नसल्याची टीकाही सीजेपीने केली आहे. या सर्वांचा जाबही पक्ष विचारणार आहे. गेल्या काही दिवसांपासून शिक्षणातील सुधारणांसाठी सीजेपीने व्यापक मोहीम हाती घेतली आहे. त्यामुळे पुढील महिन्यात दिल्लीत पुन्हा आंदोलन होण्याची शक्यता वर्तवली जात आहे.