दुसऱ्यांच वाईट करायला गेली, स्वत: जळाली, अरे चंदासोबत हे काय झालं?

सध्या जी घटना समोर येत आहे आहे, त्यावर विश्वास ठेवणं जवळपास कठीण आहे. नातेवाईकांना अडचणीत आणण्यासाठी नवरा – बायकोने एक मोठा कट रचला होता. पण यामध्ये महिलेचेच निधन झालं. संपत्तीचे वाद इतके टोकाला पोहोचले की, तपासा दरम्यान पोलिसांच्या हाती धक्कादायक माहिती मिळाली.. पोलिसांनी दिलेल्या माहितीनुसार, सुरुवातीला असं समजण्यात आलं की, नातेवाईकांनी हल्ला आणि हत्येचा कट रचला आहे. पण तपास जसाजसा पुढे सरकत गेला, तसं धक्कादायक सत्य समोर आलं.

पोलिसांनी दिलेल्या माहितीनुसार, 16 मे रोजी एका घरात आग लागल्याची सूचना मिळाली. घटनेची माहिती मिळताच पोलीस घटनास्थळी दाखल झाले. तेव्हा घरला पूर्ण आग लागली होती. आग विझल्यानंतर, चंदा उर्फ ​​मेहबूबी नावाच्या एका महिलेला गंभीररित्या भाजलेल्या अवस्थेत घरातून बाहेर काढण्यात आलं. तिला सुरुवातीला जिल्हा रुग्णालयात दाखल करण्यात आलं आणि नंतर, तिची प्रकृती गंभीर झाल्यामुळे तिला लखनऊ येथे हलवण्यात आलं. जिथे उपचारादरम्यान तिचा मृत्यू झाला.

सुरुवातीला, महिलेच्या पतीने दाखल केलेल्या तक्रारीच्या आधारे तिच्या सावत्र भावावर आणि दोन भाच्यांवर गुन्हा दाखल करण्यात आला होता. पण, तपासादरम्यान पोलिसांना असे अनेक तथ्य आढळून आले, ज्यामुळे त्यांच्या संशयाची दिशा बदलली. पोलीस अधीक्षक विश्वजीत श्रीवास्तव यांच्या म्हणण्यानुसार, तपासात असं उघड झालं की, महिलेचा तिच्या सावत्र भावांसोबत मालमत्तेवरून वाद सुरू होता.

सीसीटीव्ही फुटेजमुळे समोर आलं मोठं रहस्य…

पोलिसांनी केलेल्या दाव्यानुसार, चंदा आणि पती राजीव यांनी एक योजना आखली होती. ज्यामुळे त्यांनी संपूर्ण घराला आग लावून नातेवाईकांना फसवण्याचा कट होता. तपासादरम्यान असं समोर आलं की, राजीव जेरीकॅन घेऊन घराभोवती फिरताना दिसला.

पोलीस चौकशीत राजीव याने गुन्हा मान्य केला की, चंदा हिच्यासोबत घराला आग लावली होती. पण स्वतःच लावलेल्या आगीत चंदा स्वतःच जळून खाक ढाली… आता पोलिसांनी याप्रकरणी नवरा राजीव याच्या शिवाय, भाई शफी अहमद आणि भाचा शमी अहमद यांना अटक केली आहे. सध्या पोलीस याप्रकरणी पुढील तपास करत आहेत.