एकाच महिन्यात 115 टक्क्यांची भरारी! थांबण्याचे नाव नाही, या शेअरला 10 टक्के अप्पर सर्किट
Share Market: शेअर बाजारात सातत्याने चढउताराचे सत्र सुरू असताना या स्टॉकने जोरदार मुसंडी मारली आहे. हा स्टॉक थांबण्याचे नावच घेत नाहीये. या शेअरला 10 टक्के अप्पर सर्किट लागलं आहे. कोणता आहे हा स्टॉक?
Stock Market Update: शेअर बाजारात सातत्याने घसरण होत असताना इंडेक्स लाल रंगात ट्रेड करत आहे. पण या वातावरणात सुद्धा हा स्टॉक जोरदार धावत आहे. या स्टॉकने गुंतवणूकदारांचे लक्ष वेधले आहे. एकाच महिन्यात या शेअरने 115 टक्क्यांची भरारी घेतली आहे. या शेअरला 10 टक्के अप्पर सर्किट लागले आहे.
इंडियाबुल्स लिमिटेडच्या शेअरने तुफान धाव घेतली आहे. बाजारात घसरण होत असताना या शेअरला 10 टक्क्यांचे अप्पर सर्किट लागले आहे. बीएसई सेन्सेक्स आणि निफ्टी 50मध्ये जोरदार घसरण झाली आहे. तर इंडियाबुल्सच्या शेअरमध्ये तितकीच जोरदार तेजी दिसली आहे.
कंपनीने चौथ्या तिमाहीत चांगली कामगिरी केली आहे. या दरम्यान कंपनीच्या नफ्यात 46.4 टक्क्यांची वाढ होऊन तो 194 कोटींवर पोहचला आहे. तर महसूल हा 418 कोटी रुपयांवर पोहचला आहे. कंपनी रिअल इस्टेट क्षेत्रावर लक्ष केंद्रीत केल्याने नफ्यात मोठी उसळी आली आहे.
इंडिया बुल्सचा शेअर गेल्या 52 आठवड्यात 8.93 रुपयांवरून जवळपास 120 टक्क्यांनी उसळला आहे. हा शेअर त्याच्या उच्चांकाजवळ, 20.91 रुपयांच्या जवळपास आहे. एकाच महिन्यात या शेअरने घेतलेली भरारी दिग्गज कंपन्यांना अचंबित करणारी आहे.
तीन महिन्यात कंपनीने 85 टक्के उसळी घेतली आहे. कंपनीने रिअल इस्टेट क्षेत्रात जोरदा मुसंडी मारली आहे. दिल्ली, एनसीआर, मुंबई, लुधियाना सह इतर ठिकाणी कंपनीचे मोठे प्रकल्प सुरू आहेत. त्यामुळे कंपनीवर गुंतवणूकदार फिदा झाले आहेत.
डिस्क्लेमर : टीव्ही 9 मराठी कुठल्याही स्टॉक, म्युच्युअल फंड, आयपीओमध्ये गुंतवणूक करण्याचा सल्ला देत नाही. येथे केवळ त्याची माहिती देण्यात आली आहे. गुंतवणुकीपूर्वी तज्ज्ञाचा, आर्थिक सल्लागाराचा सल्ला आवश्य घ्या.
