8 एपिसोड्सची वेब सीरिज ओटीटीवर येताच होतेय ट्रेंड; तरुणाईकडून मिळतोय दमदार प्रतिसाद
प्राइम व्हिडीओवर आठ एपिसोड्सची ही वेब सीरिज नुकतीच प्रेक्षकांच्या भेटीला आली आहे. या सीरिजला प्रेक्षक-समिक्षकांकडून सकारात्मक प्रतिसाद मिळत असून ओटीटीवर ती पहिल्या क्रमाकांवर ट्रेंड होत आहे.
अॅमेझॉन प्राइम व्हिडीओ या ओटीटी प्लॅटफॉर्मवर नुकतीच एक वेब सीरिज प्रेक्षकांच्या भेटीला आली आहे. या सीरिजच्या कथेनं तरुणाईला प्रभावित केलं आहे. म्हणूनच ऑनलाइन स्ट्रीम होताच ती प्राइम व्हिडीओवर ट्रेंडिंग सीरिजच्या यादीत पोहोचली आहे. या सीरिजचे एकूण आठ भाग आहेत.
ड्रग्ज, तरुणाई, नशा यांवर आधारित या सीरिजची कथा आहे. 8 मे रोजी प्राइम व्हिडीओवर प्रदर्शित झालेल्या या सीरिजची कथा पंजाब राज्यात घडते. यामध्ये ड्रग्जमुळे तरुणाईचं कसं नुकसान होत आहे, याबद्दलची कथा दाखवण्यात आली आहे. म्युझिक इंडस्ट्रीतील एक प्रसिद्ध रॅपर ड्रग डील असल्याचं भासवून तो पडद्याआडून तरुणांना लक्ष्य करतो.
या वेब सीरिजचं नाव आहे 'लुक्खे'. ड्रग्ज, पंजाब आणि नशेची कथा जरी नवीन नसली तरी या सीरिजमध्ये ती ज्या पद्धतीने सादर केली आहे, ती पाहण्याजोडी आहे. लुक्खे ही सीरिज प्राइम व्हिडीओवर सध्या पहिल्या क्रमांकावर ट्रेंड होत आहे. ही आवर्जून पाहण्यासाठी वेब सीरिज आहे.
या वेब सीरिजचं दिग्दर्शन हिमांक गौरने केलं असून त्यामध्ये राशी खन्ना, पलक तिवारी, रॅपर किंग, लक्षवीर सिंह सरन, शिवांकित सिंह परिहार यांच्या मुख्य भूमिका आहेत. तर नकुल सहदेव, कृतिका भारद्वाज आणि योगराज सिंह यांनीदेखील सीरिजमध्ये महत्त्वपूर्ण भूमिका साकारल्या आहेत.
कोणताही गाजावाजा किंवा प्रमोशन न करता 'लुक्खे' या सीरिजने प्रेक्षकांवर छाप सोडली आहे. या नवीन वेब सीरिजला प्रेक्षक आणि समिक्षकांकडून सकारात्मक प्रतिसाद मिळत आहे.
