‘अरुंधती’ पुन्हा येतेय; ‘या’ खास मालिकेतून मधुराणी प्रेक्षकांच्या भेटीला
'आई आणि बाबा रिटायर होत आहेत' ही मालिका दुपारी 2.30 वाजता स्टार प्रवाह वाहिनीवर प्रेक्षकांच्या भेटीला येते. या मालिकेच्या निमित्ताने निवेदिता सराफ आणि मधुराणी प्रभुलकर या दोघी अभिनेत्री एकत्र दिसणार आहेत.
'स्टार प्रवाह' वाहिनीवरील 'आई कुठे काय करते' या मालिकेनं काही दिवसांपूर्वीच प्रेक्षकांचा निरोप घेतला. या मालिकेनं जरी निरोप घेतला असला तरी यातील प्रत्येक पात्र आजही प्रेक्षकांच्या मनात कायम आहे.
सर्वांची लाडकी अरुंधती पुन्हा एकदा प्रेक्षकांची भेटीला येणार आहे. 'आई आणि बाबा रिटायर होत आहेत' या मालिकेत सध्या स्विटी आणि मकरंदच्या लग्नाची धामधूम सुरू आहे. या दोघांच्या लग्नात अरुंधती खास हजेरी लावणार आहे.
अभिनेत्री मधुराणी प्रभुलकर या खास एण्ट्रीबद्दल म्हणाली, "पुन्हा एकदा अरुंधती साकारायला मिळतंय याचा अतिशय आनंद होतोय. साधारण दीड महिन्यापूर्वी आमच्या मालिकेनं निरोप घेतला होता."
"प्रेक्षकांप्रमाणेच मी सुद्धा अरुंधतीला खूप मिस करत होते. सेटवरची लगबग, हातातली स्क्रिप्ट, कॅमेरा या सगळ्या गोष्टी खूप दिवसांनंतर अनुभवायला मिळत आहेत," अशा शब्दांत तिने अनुभव सांगितला.
"'आई आणि बाबा रिटायर होत आहेत' या मालिकेत स्विटी आणि मकरंदच्या लग्नाच्या निमित्ताने अरुंधती खास हजेरी लावणार आहे. नव्या टीमसोबत काम करताना खूप छान वाटतंय," असंही ती म्हणाली.
