Raghav Chadha : राघव-परिणीती यांच्या संपत्तीत मोठा फरक, त्याची नेटवर्थ 50 लाख तर बायकोच्या संपत्तीचा आकडा ऐकून डोळे विस्फारतील
Raghav Chadha : प्रियंका चोपडाची बहिण परिणीती चोपडाचा नवरा राघव चड्ढाने काल अरविंद केजरीवाल यांना मोठा राजकीय झटका दिला. त्यांनी आम आदमी पार्टी सोडून भाजपत प्रवेश केला. त्यांच्या या निर्णयानंतर राघव चड्ढा यांच्या नेटवर्थची चर्चा सुरु झाली आहे. परिणीती आणि त्यांच्या संपत्तीची तुलना होत आहे. राघव आणि परिणीती या दोघांमध्ये जास्त श्रीमंत कोण आहे? दोघांची नेटवर्थ किती? जाणून घ्या.
आम आदमी पार्टीने अलीकडेच राघव चड्ढा यांना डेप्युटी लीडर पदावरुन हटवलं होतं. राज्यसभेत त्यांच्या बोलण्यावर बंदी घालण्याची मागणी केली होती. तेव्हापासून राघव चड्ढा आम आदमी पार्टीचा राजीनामा देणार अशी चर्चा सुरु झालेली. आता अखेर त्यांनी पक्षाला सोडचिठ्ठी दिली आहे.
मनीकंट्रोलच्या रिपोर्टनुसार परिणीत चोपडा आणि राघव चड्ढा यांची एकूण संपत्ती जवळपास 74.5 कोटी रुपये आहे. पती-पत्नीच्या संपत्तीत मोठा फरक आहे. या रिपोर्ट्नुसार परिणीतीकडे राघव चड्ढापेक्षा जास्त पैसा आहे. त्यांच्या संपत्तीत जास्त वाटा परिणीतीचा आहे.
रिपोर्टनुसार परिणीतीची संपत्ती जवळपास 74 कोटींची आहे. राघवने जाहीर केलय त्यानुसार त्याच्याकडे घर, कार, सोनं, बॉन्ड आणि शेअर या आधारावर अंदाजित संपत्ती 50 लाख रुपये आहे.
परिणीती चोपडाने फिल्मी करिअर आणि पर्सनल ब्रांडच्या आधारावर ही संपत्ती कमावली आहे. रिपोर्टनुसार, तिची एकूण संपत्ती 74 कोटी रुपये आहे. वांद्रे येथे तिचं 22 कोटी रुपयाचं घर सुद्धा आहे. तिच्याकडे लग्जरी कार्सचं शानदार कलेक्शन आहे. मनीकंट्रोलच्या रिपोर्टमध्ये हे म्हटलं आहे.
परिणीतीच्या कार्सबद्दल बोलायचं झाल्यास या लिस्टमध्ये 1.30 कोटी रुपयांची रेंज रोवर वोग, 43.19 लाखाची ऑडी क्यू 4 आणि 69.27 लाखाची ऑडी क्यू 7 आहे. रिपोर्टनुसार परिणीती फोर्ब्स इंडियाच्या सेलिब्रिटी 100 लिस्टमध्ये सुद्धा होती. डेब्यू एन्ट्रीच्यावेळी तिचा अंदाजित वार्षिक इनकम 5.36 कोटी रुपये होतं.
