टीव्ही अभिनेत्री आशा नेगी सध्या तिच्या आगामी चित्रपटामुळे चर्चेत आहे. ती अनुराग कश्यपच्या ‘लुडो’ या चित्रपटात दिसणार आहे. या चित्रपटाद्वारे ती मोठ्या पडद्यावर पदार्पण करत आहे.
23 ऑगस्ट 1989 रोजी देहरादूनमध्ये आशा नेगीचा जन्म झाला. देहरादूनमध्येच ती लहानाची मोठी झाली. 2009मध्ये तिने ‘मिस उत्तराखंड’चा किताब मिळवला. यानंतर अभिनयाच्या वेडाने ती मुंबईत आली.
सुरुवातीला तिने बर्याच जाहिरातीत काम केले. ‘पवित्र रिश्ता’ या मालिकेतील पूर्वा देशमुखच्या भूमिकेने तिला ओळख मिळवून दिली.
त्यानंतर ती ‘नच बलिए’ या डान्स रिअॅलिटी शोच्या 6 व्या सीझनची विजेती ठरली होती.
शर्मन जोशीसह ती ‘बारिश’ या वेब सीरीजमध्ये झळकली होती.
यानंतर आता आशा मोठ्या पडद्यावर पदार्पण करते आहे. तिला ‘लुडो’ हा चित्रपट लवकरच प्रेक्षकांच्या भेटीला येणार आहे.