आरे बापरे! 6 महिने स्वत:लाच ओळखत नव्हती ही अभिनेत्री, नेमकं काय झालेलं?
बॉलिवूडमधील प्रसिद्ध अभिनेत्री जिला एक चूक पडली होती प्रचंड महागात. 6 महिने ही अभिनेत्री स्वत:लाच ओळखत नव्हती. नेमकं काय झालेलं?
बॉलिवूड अभिनेत्री दिशा पाटनीने 2016 मध्ये प्रदर्शित झालेल्या ‘एम.एस. धोनी: द अनटोल्ड स्टोरी’ या चित्रपटातून अभिनय क्षेत्रात पदार्पण केले. या पहिल्याच चित्रपटातून तिने प्रेक्षकांच्या मनावर छाप पाडली.
त्यानंतर दिशाने अनेक हिंदी चित्रपटांमध्ये काम केले. तिच्या काही चित्रपटांना चांगला प्रतिसाद मिळाला तर काही चित्रपट बॉक्स ऑफिसवर फारशी कामगिरी करू शकले नाहीत.
दिशा तिच्या अभिनयासोबतच तिच्या ग्लॅमरस आणि बोल्ड लूकमुळेही कायम चर्चेत असते. सोशल मीडियावर तिचा मोठा चाहतावर्ग असून, तिच्या प्रत्येक पोस्टची चाहते आतुरतेने वाट पाहतात. मात्र, दिशाच्या आयुष्याबद्दल अशा काही गोष्टी आहेत ज्या फार कमी लोकांना माहिती आहेत.
दिशाने एका मुलाखतीत तिच्या आयुष्यातील कठीण प्रसंगाचाही खुलासा केला होता. जिम्नॅस्टिक्सचे प्रशिक्षण घेत असताना तिच्या डोक्याला गंभीर दुखापत झाली होती. या अपघातामुळे तिला मोठा त्रास सहन करावा लागला.
ही दुखापत इतकी गंभीर होती की, दिशाने तब्बल सहा महिने तिची स्मरणशक्ती गमावल्याचे सांगितले होते. या काळानंतर हळूहळू तिची प्रकृती सुधारली आणि ती पुन्हा आपल्या कामाकडे वळली.
