56 वर्षांपूर्वीचं रेखाचं शेतातील सुपरहिट गाणं, ज्याने तिला रात्रीत बनवलं स्टार, आजही गाण्याची प्रचंड क्रेझ
56 वर्षांपूर्वीचं रेखा यांचं सुपरहिट गाणं, शेतातील डान्स आणि रोमँटिक अभिनयाने अभिनेत्रीला एका रात्रीत बनवलं स्टार. आजही या गाण्याची चाहत्यांमध्ये प्रचंड क्रेझ.
बॉलिवूडच्या दिग्गज अभिनेत्री रेखा आज इंडस्ट्रीमधील सर्वात लोकप्रिय अभिनेत्रींपैकी एक आहेत. आपल्या सौंदर्याने, दमदार अभिनयाने आणि प्रतिभेने त्यांनी हिंदी सिनेसृष्टीत स्वतःची वेगळी ओळख निर्माण केली.
मात्र, रेखांसाठी बॉलिवूडमधील सुरुवातीचा प्रवास अजिबात सोपा नव्हता. करिअरच्या सुरुवातीच्या काळात त्यांना त्यांच्या रंगावरूनही अनेक टोमणे ऐकावे लागले होते.
रेखा यांनी अवघ्या 15 व्या वर्षी हिंदी चित्रपटसृष्टीत पाऊल ठेवलं. त्यावेळी त्यांना हिंदी भाषेचीही पूर्ण ओळख नव्हती. मात्र, 1970 मध्ये प्रदर्शित झालेल्या ‘सावन भादों’ या चित्रपटाने त्यांच्या आयुष्याला नवी दिशा दिली.
रेखांचा साधा-सोज्वळ अंदाज आणि अभिनय प्रेक्षकांना चांगलाच भावला. मात्र, या चित्रपटातील एका गाण्याने रेखांना विशेष लोकप्रियता मिळवून दिली.
‘कान में झुमका, चाल में ठुमका, कमर पे चोटी लटके’ हे गाणं त्याकाळी प्रचंड गाजलं. या गाण्याला दिग्गज गायक मोहम्मद रफी यांनी आपला आवाज दिला होता. रेखा आणि नवीन निश्चल यांची गाण्यातील केमिस्ट्रीही प्रेक्षकांना विशेष आवडली.
