Airtel च्या ग्राहकांना मोठा दिलासा, 365 दिवसांची चिंताच मिटली
Airtel Recharge Plan : 42 कोटी ग्राहक असणाऱ्या एअरटेल कंपनीचा सर्वात स्वस्त प्लॅन कोणता आहे हे आज आपण जाणून घेणार आहोत. तसेच या प्लॅनमध्ये कोणत्या सुविधा मिळतात हेही जाणून घेऊयात.
एअरटेलकडे आपल्या ग्राहकांसाठी विविध बजेटमधील अनेक प्रीपेड रिचार्ज प्लॅन्स उपलब्ध आहेत. त्यापैकी 365 दिवसांची वैधता असणारा सर्वात कमी किमतीचा कोणता प्लॅन आहे ते जाणून घेऊयात.
एअरटेल ही देशातील दुसऱ्या क्रमांकाची सर्वात मोठी दूरसंचार कंपनी असून, तिचे 42 कोटींहून अधिक ग्राहक आहेत. अलीकडेच कंपनीने आपल्या पोर्टफोलिओमध्ये दीर्घ वैधतेच्या प्लॅन्सची संख्याही वाढवली आहे.
एअरटेलकडे 365 दिवसांची वैधता असणारे अनेक प्रीपेड प्लॅन्स आहेत. त्यापैकी 1,849 रुपयांचा प्लॅन हा कंपनीचा सर्वात स्वस्त वार्षिक प्लॅन मानला जातो. कमी किमतीत वर्षभरासाठी रिचार्ज करण्याचा पर्याय शोधत असलेल्या ग्राहकांसाठी हा उत्तम पर्याय ठरू शकतो.
या 1,849 रुपयांच्या प्लॅनमध्ये ग्राहकांना संपूर्ण 365 दिवसांसाठी देशभरातील कोणत्याही लोकल आणि STD नेटवर्कवर अमर्यादित व्हॉईस कॉलिंगची सुविधा मिळते. याशिवाय, कंपनी 3,600 मोफत SMS देखील देते, जे वर्षभर वापरता येतात.
हा व्हॉईस-ओन्ली प्लॅन असल्याने यामध्ये इंटरनेट डेटा दिला जात नाही. त्यामुळे ज्यांना इंटरनेटपेक्षा कॉलिंगची गरज अधिक असते आणि वारंवार रिचार्ज करण्याचा त्रास टाळायचा असतो, अशा ग्राहकांसाठी हा प्लॅन एक उत्तम पर्याय ठरू शकतो.
