माझं शरीर, माझी किंमत… त्यावेळी ऐश्वर्या राय का म्हणाली? नेमकं असं काय घडलं होतं?
Aishwarya Rai: अभिनेत्री ऐश्वर्या राय ही कायमच चर्चेत राहिली आहे. सध्या सोशल मीडियावर तिचा एक व्हिडीओ व्हायरल होताना दिसत आहे. या व्हिडीओमध्ये ती जे काही बोलत आहे त्याची पुन्हा एकदा चर्चा सुरु झाली आहे.
बॉलिवूडची अतिशय सुंदर अभिनेत्री म्हणून ऐश्वर्या राय बच्चन ओळखली जाते. ती विश्वसुंदरी म्हणून देखील ओळखली जाते. एकेकाळी ऐश्वर्याने बॉलिवूड चित्रपटांमध्ये धुमाकूळ घातला होता. तिचा प्रत्येक चित्रपट हिट होताना दिसत होता.
1 / 6
आज ऐश्वर्या फिल्म इंडस्ट्रीमध्ये फारशी सक्रिय नसली तरी देखील तिचा चाहता वर्ग मोठा आहे. सध्या सोशल मीडियावर ऐश्वर्याचा एक जूना व्हिडीओ व्हायरल झाला आहे. या व्हिडीओमध्ये ऐश्वर्या माझं शरीर, माझी किमंत असे काही बोलताना दिसत आहे.
2 / 6
विश्व सुंदरी ऐश्वर्या राय बच्चनचा १ नोव्हेंबर रोजी वाढदिवस झाला. त्यानिमित्ताने अनेकजण तिच्याविषयी बोलताना दिसत आहेत. ऐश्वर्याचा एक जुना व्हिडीओ देखील व्हायरल होताना दिसत आहे. या व्हिडीओमध्ये तिने भर रस्त्यात महिलांची छेड काढणाऱ्या पुरुषांना चांगलेच सुनावले आहे. तसेत अशा परिस्थितीत महिलांनी काय करावे याविषयी देखील ती बोलताना दिसत आहे. खरं तर ऐश्वर्याचा हा व्हिडीओ पाहून चाहते थक्क झाले होते. सुरुवातीला अनेकांना वाटले होते की ऐश्वर्या स्वत: बद्दल तर बोलत नाही ना? पण त्यांना त्याचे स्पष्ट उत्तर मिळाले.
3 / 6
ऐश्वर्याने तिच्या अधिकृत इन्स्टाग्राम अकाऊंटवर हा व्हिडीओ शेअर केला होता. हा व्हिडीओ लोरियल पेरिसच्या नव्या जाहिरातीच्या भाग म्हणून शेअर करण्यात आला होता. ऐश्वर्या लॉरियल पॅरिस या ब्यूटी प्रॉडक्टची ब्रँड अॅम्बेसेडर आहे.
4 / 6
व्हिडीओमध्ये ऐश्वर्या बोलताना दिसत आहे की, "रस्त्यावर महिलांची काढली जाणारी छेड... तुम्ही यावर कशी मात करता? तुम्ही त्यांच्या डोळ्यात डोळे घालून पाहा. समस्येला थेट तोंड द्या. त्या व्यक्तीच्या डोळ्यात उंच मान ठेवून पाहा."
5 / 6
पुढे ऐश्वर्या म्हणाली, "स्त्रीत्व आणि नारीवादी असे पाहिजे... माझे शरीर, माझी किंमत. कधीही तडजोड करू नका. स्वतःवर संशय घेऊ नका. आपल्या योग्यतेसाठी उभे राहा. आपल्या ड्रेस किंवा आपल्या लिपस्टिकला दोष देऊ नका. रस्त्यावर होणाऱ्या छळात कधीही तुमची चूक नसते."
