भाजपच्या मुख्यमंत्र्यांचं महिलांच्या फाटक्या जीन्सवर वादग्रस्त वक्तव्य आणि अमृता फडणवीसांचे फोटो व्हायरल
तिरथ सिंह रावत यांनी जीन्ससंदर्भात वादग्रस्त वक्तव्य केल्यानंतर सोशल मीडियावर खळबळ उडाली. अनेकांनी रावत यांच्या वक्तव्याचा निषेध केला.
उत्तराखंडचे नवनिर्वाचित मुख्यमंत्री तिरथ सिंह रावत(Tirath Singh Rawat) यांनी जीन्ससंदर्भात केलेल्या वक्तव्यानंतर आता सोशल मीडियावर अनेक प्रतिक्रिया उमटत आहेत. अनेकांना रावत यांच्या वक्तव्याचा चांगलाच समाचार घेतला आहे. फाटलेल्या जीन्स गालून महिला काय संस्कार देणार?, असं वक्तव्य तिरथ सिंह रावत यांनी केलं होतं.
तिरथ सिंह रावत यांनी जीन्ससंदर्भात वादग्रस्त वक्तव्य केल्यानंतर सोशल मीडियावर खळबळ उडाली. अनेकांनी रावत यांच्या वक्तव्याचा निषेध केला.
अनेक अभिनेत्रींनीदेखील त्यांच्या वक्तव्यावर टीका केली होती.
मात्र, या सगळ्या प्रकरणात आता अमृता फडणवीस यांचे काही फोटो चार्चेत आले आहे.
या फोटोमध्ये अमृता फडणवीस यांनी देखील फाटलेली जीन्स अर्थात रीप्ड जीन्स घालून फोटो शूट केले होते.
सध्याच्या काळात फाटलेली जीन्स म्हणजे स्टेटस सिम्बॉल समजले जाते. व्यक्ती जितकी फाटलेली जीन्स घालेल तितकी ती श्रीमंत असे समजले जाते. या सगळ्यातून आपण समाजाला आणि आपल्या लहान मुलांना काय शिकवत आहोत? संस्कारांची सुरुवात ही घरातून होते. आपण जसं वागतो, त्याचंच लहान मुलं अनुकरण करतात. त्यामुळे लहान मुलांना घरातूनच चांगले संस्कार मिळाले पाहिजेत. आपण कितीही पुढारलेलो असलो तरी चांगले संस्कार मिळणे गरजेचे असते. त्यामुळे आपण आयुष्यात कधीही अपयशी ठरणार नाही, असेही तीरथ सिंह रावत यांनी म्हटले.
