‘बिग बॉसमधूनबाहेर आल्यावर पुन्हा नाटक सुरू’; अंकिता-विकीवर भडकले नेटकरी
बिग बॉसचा सतरावा सिझन संपला आहे. हा शो संपल्यानंतर अभिनेत्री अंकिता लोखंडे आणि तिचा पती विकी जैन पहिल्यांदाच डिनर डेटला गेले आहेत. त्यानंतर त्यांनी पापाराझींसमोर फोटोसाठी पोझ दिले. विकी-अंकिताच्या या फोटो आणि व्हिडीओवर नेटकऱ्यांकडून विविध प्रतिक्रिया येत आहेत.
ऑक्टोबर महिन्यात अभिनेत्री अंकिता लोखंडेनं पती विकी जैनसोबत 'बिग बॉस 17' या शोमध्ये भाग घेतला. जवळपास 100 दिवसांपेक्षा अधिक काळ बिग बॉस या शोमध्ये टिकल्यानंतर दोघंही अखेर बाहेर पडले आहेत.
बिग बॉस संपल्यानंतर अंकिता आणि विकी पहिल्यांदाच एकत्र दिसले. यावेळी अंकिताने ऑफ शोल्डर ड्रेस आणि त्यावर डायमंडचे कानातले घातले होते. तर विकीने काळ्या रंगाचा शर्ट-पँट परिधान केला होता.
अंकिता आणि विकी एकत्र डिनर डेटला गेले होते. रेस्टॉरंटमधून बाहेर पडल्यानंतर पापाराझींसमोर दोघांनी फोटोसाठी पोझ दिले. पापाराझींनी त्यांचे फोटो आणि व्हिडीओ सोशल मीडियावर पोस्ट केले आहेत. त्यावर नेटकऱ्यांकडून विविध प्रतिक्रिया येत आहेत.
बिग बॉसच्या घरात अंकिता आणि विकीला सतत एकमेकांशी भांडताना पाहिलं गेलं. इतकंच नव्हे तर हे दोघं बिग बॉस संपल्यानंतर घटस्फोट घेणार की काय, असाही प्रश्न चाहत्यांनी उपस्थित केला होता.
आता पापाराझींसमोर दोघांना पुन्हा एकत्र एकमेकांच्या मिठीत पाहून नेटकऱ्यांनी कमेंट्स करण्यास सुरुवात केली आहे. या दोघांनी पुन्हा नाटक सुरू केलंय, असे कमेंट्स नेटकऱ्यांनी केले आहेत.
बिग बॉसच्या घरात विकीमुळे अंकिताच्या मनात सतत असुरक्षिततेची भावना निर्माण व्हायची. विकी दुसऱ्या महिला स्पर्धकांशी बोलू लागला की अंकिता त्याच्याशी भांडायची.
या दोघांनी नेमका बिग बॉसमध्ये ड्रामा केली की आता बाहेर आल्यावर करतायत, असाही प्रश्न नेटकऱ्यांनी उपस्थित केला आहे. बिग बॉसमध्ये अंकिता चौथ्या स्थानी बाद झाली होती. तर ग्रँड फिनालेच्या एक आठवडाआधी विकी घरातून बाहेर पडला होता.
अंकिताने 14 डिसेंबर 2021 रोजी विकी जैनशी लग्नगाठ बांधली. मुंबईतील पंचतारांकित हॉटेलमध्ये हा लग्नसोहळा पार पडला होता. या लग्नसोहळ्यात कोट्यवधी रुपये खर्च करण्यात आले होते.