‘रात्रीस खेळ चाले’मधील शेवंताचा मोनोकिनीत बोल्ड अंदाज, पहिल्यांदाच असे फोटो पाहून चाहते थक्क
'रात्रीस खेळ चाले'मधील शेवंताने पहिल्यांदाच परिधान केली मोनोकिनी. इन्स्टाग्रामवर शेअर केले बोल्ड फोटो. फोटो काही क्षणातच व्हायरल.
मराठी टीव्ही विश्वातील लोकप्रिय अभिनेत्री अपूर्वा नेमळेकर ही तिच्या दमदार अभिनयामुळे आणि वेगळ्या व्यक्तिमत्त्वामुळे प्रेक्षकांच्या मनात विशेष स्थान निर्माण करण्यात यशस्वी ठरली आहे.
‘रात्रीस खेळ चाले’ या मालिकेमधील ‘शेवंता’ या भूमिकेमुळे ती घराघरात पोहोचली आणि तिचा चाहतावर्ग मोठ्या प्रमाणात वाढला. अपूर्वाने आपल्या अभिनय कारकिर्दीत अनेक मालिकांमध्ये काम केले असले तरी ‘शेवंता’ या भूमिकेने तिला खरी ओळख आणि लोकप्रियता मिळवून दिली.
अलीकडेच तिने तिच्या वैयक्तिक आयुष्यात मोठा निर्णय घेत दुसऱ्यांदा लग्न केले. तिने तनुज गोवळकर यांच्यासोबत नव्या आयुष्याची सुरुवात केली असून, या दोघांचे फोटो आणि रिल्स सोशल मीडियावर मोठ्या प्रमाणात व्हायरल होत आहेत.
सध्या अपूर्वा तिच्या पतीसोबत सुट्टीचा आनंद घेत आहे. या व्हॅकेशनदरम्यानचे काही खास क्षण तिने इन्स्टाग्रामवर शेअर केले आहेत. या फोटोंमध्ये ती पूलसाईडवर चिल करताना आणि स्विमिंग पूलमध्ये एन्जॉय करताना दिसत आहे.
विशेष म्हणजे, या फोटोंमध्ये अपूर्वाने काळ्या रंगाची मोनोकिनी परिधान केली असून तिचा हा स्टायलिश आणि बोल्ड लूक चाहत्यांच्या विशेष पसंतीस उतरला आहे. अपूर्वाने पहिल्यांदाच अशा अंदाजातील फोटो सोशल मीडियावर शेअर केले असल्याने त्याची चर्चा रंगली आहे.
