घर वाटेल बगीचा! घरात लावा फक्त ही सुगंधी फुलझाडं, दुर्गंधीही जाईल पळून!
बाल्कनीची जागा कमी असली तरी तिथे सुगंधी फुलझाडं लावून घराचा कोपरा सुंदर करता येतो. चमेली, गंधराज, गुलाब, रातराणी आणि रजनीगंधा हे त्यासाठी चांगले पर्याय ठरू शकतात.
सकाळी पडलेलं कोवळं ऊन त्यात वातावरणात दरवळणारा फुलांचा सुगंध.. आहाहा विचार करा असं वातावरण जर तुम्हाला प्रत्येक सकाळी अनुभवायला मिळालं तर?
फुलांकडे पाहिल्याने,फुलांचा सुवास घेतल्याने मन अगदी प्रसन्न होते. हीच फुलं जर तुम्ही तुमच्या बाल्कनीत लावली तर? पण प्रॉब्लेम आहे जागेचा...काळजी करू चला, छोट्या जागेत भरपूर सुगंध देणारी काही फुले मी तुम्हाला सुचवते
चमेली हे सुगंधी फुलांमध्ये आवर्जुन घेतलं जाणारं नाव आहे. या फुलांचा सुगंध खूप ओळखीचा असून त्याचा वापर अत्तर, साबण आणि तेलांमध्येही केला जातो. बाल्कनीत चमेलीचे रोप लावल्यास फुलांसोबत घराच्या आसपासही छान सुगंध दरवळेल.
दिवसा साधं दिसणार पण रात्रीच्या वेळी वातावरणात सुगंधाने भरून टाकणारं फूल म्हणजे रातराणी. या रोपाला पांढरी फुलं येतात आणि रात्री त्याचा सुगंध अधिक दरवळतो. त्यामुळे संध्याकाळी बाल्कनीत बसल्यावर मस्त सुवास घ्यायचा असेल तर हे फुलझाड जरूर लावा.
गुलाबाच्या वेगवेगळ्या जाती त्यांच्या रंगासोबत सुगंधासाठीही प्रसिद्ध आहेत. बाल्कनीत योग्य कुंडी आणि पुरेसा प्रकाश मिळाल्यास गुलाबांच रोप चांगलं वाढू शकतं. त्यामुळे सुगंधी फुलांसोबत रंगाचीही मजा हवी असेल तर गुलाबाचा पर्याय करता येतो.
पांढऱ्या रंगाची फुलं आणि तीव्र सुगंध यासाठी गंधराज म्हणजेच Gardenia ओळखला जातो. उन्हाळा आणि पावसाळ्याच्या सुरूवातीला या झाडाला भरपूर फुले येतात. पण कुंडीत लावलेलं हे रोप खूप उष्ण किंवा खूप थंड वातावरणापासून जपणं महत्त्वाचं आहे.
रजनीगंधा आपल्या तीव्र आणि गोड सुगंधासाठी ओळखला जातो. या फुलाच्या सुगंधाचा वापर अत्तर, साबण आणि इतर सुगंधी उत्पादनांमध्ये केला जातो. कुंडीत रजनीगंधा लावताना चांगला प्रकाश, योग्य पाणी आणि निचरा असलेली माती याकडे लक्ष द्याव
