8 एपिसोड्स, सट्टा बाजाराची खरी कथा, ओटीटीवर सर्वांत हिट सीरिज; 17 देशांमध्ये होतेय ट्रेंड
ओटीटी प्लॅटफॉर्मवर रोज नवीन सीरिज किंवा सिनेमे प्रदर्शित होत असतात. पण काही शो असे असतात, जे प्रदर्शित होताच हीट होतात. ज्यामुळे प्रेक्षकांचं मनोरंजन होतं आणि ते दुसऱ्या भागाच्या प्रतिक्षेत असतात. आता गूडन्यूज आहे अभिनेता विजय वर्मा याच्या चाहत्यांसाठी... तर जाणून घ्या काय आहे मोठं सिक्रेट...
अभिनेता विजय वर्मा स्टारर 'मटका किंग 2' लवकरच प्रदर्शित होणार असल्याची घोषणा निर्मात्यांनी केली आहे. 'मटका किंग' सीझन 2 ची तयारी सुरुर आहे. पहिल्या भागाच्या यशानंतर सीरिजचा दुसरा भाग देखील प्रदर्शित होणार आहे. निर्मात्यांनी अधिकृत पोस्टर जारी करत घोषणा केली आहे. सीरिज अमेझॉन प्राइम व्हिडिओवर प्रदर्शित होणार आहे.
'मटका किंग' 2 वर्षांपूर्वी चाहत्यांच्या भेटीस आलेला आणि प्रेक्षकांच्या पसंतीस उतरला. ओपनिंग आठवड्यात सीरिजने 37 देशांमध्ये टॉप 10 मध्ये जागा मिळवली आणि 17 देशांमध्ये नं. 1 ला सीरिज ट्रेंड झाली. प्रेक्षकांनी देखील सीरिजला डोक्यावर घेतलं...
सांगायचं झालं तर, 'मटका किंग' सीझन 1 ची निर्मिती आणि लेखन अभय कोरणे यांनी केली असून, नागराज पोपटराव मंजुळे यांनी लेखन आणि दिग्दर्शन केलं आहे. या 8 भागांच्या सीरिजमध्ये विजय वर्मा मुख्य भूमिकेत आहे. अभिनेत्याने साकारलेली भूमिका प्रेक्षकांना आवडली.
या सीरिजमध्ये कृतिका कामरा, सई ताम्हणकर, सिद्धार्थ जाधव, भूपेंद्र जादवत आणि गुलशन ग्रोव्हर यांनी मुख्य भूमिका साकारल्या आहेत. 17 एप्रिल रोजी प्रदर्शित झालेला 'मटका किंग'चा पहिला सीझन, भारतासह जगभरातील 240 देशांमध्ये प्राईम व्हिडिओवर स्ट्रीम होत आहे.
मटक्याचा खेळ अजून संपलेला नाही, आणि ब्रिज भाटीचं राज्य अद्यापही संपलेलं नाही. ब्रिज भाटीची भूमिका साकारणारा विजय वर्मा दुसऱ्या सीझनमध्ये कोणती आश्चर्ये उघड करणार आहे, हे 'मटका किंग 2' प्रदर्शित झाल्यानंतरच कळेल. सध्या प्रेक्षक सीरिजच्या प्रतिक्षेत आहेत.
