Tanushree Dutta : तिला का सुनावताय? तनुश्रीला सेटवर जो अनुभव..नाना पाटेकरांबद्दल बरळणाऱ्या तनुश्री दत्ताचं बॉलिवूडमधल्या मोठ्या गायिकेकडून समर्थन
Tanushree Dutta On Nana Patekar : दिवंगत अभिनेते नाना पाटेकर यांच्या निधनानंतर अभिनेत्री तनुश्री दत्ताने त्यांच्याबद्दल वादग्रस्त वक्तव्य केली आहेत. त्यासाठी तनुश्रीवर चहूबाजूंनी टीका होतेय. तिला ट्रोलिंगचा सामना करावा लागतोय. आता तनुश्री दत्ताच्या समर्थनार्थ आता काही आवाज पुढे येऊ लागले आहेत. यापैकीच एक आहे बॉलिवूडची मोठी गायिका.
नाना पाटेकरांचं काल अकाली निधन झालं. वयाच्या 75 व्या वर्षी त्यांनी गोवा येथे अखेरचा श्वास घेतला. त्यानंतर तनुश्री दत्ताने नाना पाटेकर यांच्याबद्दल ‘इविल डेड’ हे शब्द वापरले. आपले विचार व्यक्त केले म्हणून तनुश्रीला ट्रोल करणाऱ्यांवर सोना मोहापात्राने प्रश्न उपस्थित केले आहेत.
तुम्हाला तिच्याकडून काय अपेक्षा आहे? नानांच्या निधनाबद्दल लोक शोकभावना व्यक्त करतायत हे मी समजू शकते. पण तनुश्री जर तिच्या #MeToo अनुभवाबद्दल बोलत असेल तर तिला का दोषी ठरवताय? असं सोना मोहापात्राचं म्हणणं आहे.
जर, काही चुकीच घडत असेल तर मी शांत बसू शकत नाही. लोक नानांच्या निधनाबद्दल लोक हळहळ व्यक्त करतायत हे मी समजू शकते. पण तनुश्री जर तिचा दृष्टीकोन मांडत असेल तर तिला का सुनावताय? असं सोना मोहापात्राचं म्हणणं आहे.
तनुश्रीला सेटवर जो अनुभव आला त्या बद्दल ती बोलली. थकवणारी लढाई लढली. लोकांच्या रोषाचा सामना केला आणि व्यावसायिक परिणाम भोगले आणि आता तिने हे सर्व विसरुन जावं आणि तिने तुमच्यासाठी काय करावं? दु:ख व्यक्त कराव, त्याने तुमचं समाधान होईल का?
तनुश्री दत्ताने तिची प्रतिक्रिया दिल्यापासून तिच्यावर चौफेर टीका सुरु आहे. ऑनलाइन तिला मोठ्या टीकेचा सामना करावा लागतोय. बॉलिवूडमधल्या एका मोठ्या संघटनेने तिच्याविरोधात भूमिका घेतली आहे. नाना पाटेकर यांचं अकाली निधन सर्वांच्या मनाला चटका लावून गेलय.
