Bundelkhand Expressway : उत्तरप्रदेशामधील बुंदेलखंड एक्सप्रेस वे ; पाहा फोटो
बुंदेलखंड द्रुतगती मार्गाच्या बांधकामासाठी 14850 कोटी रुपये खर्च आला आहे, जो अंदाजित खर्चापेक्षा 12.72 टक्के कमी आहे. या एक्स्प्रेस वे चा दुहेरी फायदा बुंदेलखंडच्या लोकांना होणार आहे. प्रथम, यामुळे देशाच्या राजधानीपर्यंत पोहोचण्याची सोय होईल आणि दुसरे म्हणजे औद्योगिक विकास देखील सुनिश्चित होईल.
विकासाचा हा वेग आणखी वाढवण्यासाठी पंतप्रधान नरेंद्र मोदी आज बुंदेलखंड एक्सप्रेस वेचे उद्घाटन करणार आहेत. पंतप्रधान मोदी जालौनच्या कैथरी गावात हा एक्सप्रेसवे जनतेला समर्पित करणार आहेत. विशेष म्हणजे हा एक्स्प्रेस वे विक्रमी वेळेत बांधण्यात आला असून अंदाजे खर्चापेक्षा कमी खर्च आला आहे.
बुंदेलखंड द्रुतगती मार्गाच्या बांधकामासाठी 14850 कोटी रुपये खर्च आला आहे, जो अंदाजित खर्चापेक्षा 12.72 टक्के कमी आहे. या एक्स्प्रेस वेचा दुहेरी फायदा बुंदेलखंडच्या लोकांना होणार आहे. प्रथम, यामुळे देशाच्या राजधानीपर्यंत पोहोचण्याची सोय होईल आणि दुसरे म्हणजे औद्योगिक विकास देखील सुनिश्चित होईल.
बुंदेलखंड एक्सप्रेसवे हा पंतप्रधान नरेंद्र मोदी आणि उत्तर प्रदेशचे मुख्यमंत्री योगी आदित्यनाथ यांचा ड्रीम प्रोजेक्ट मानला जातो. त्याची पायाभरणी 20 फेब्रुवारी 2020 रोजी पंतप्रधान मोदींच्या हस्ते करण्यात आली. कोरोना महामारीचा त्रास असतानाही ते अवघ्या 28 महिन्यांत पूर्ण झाले.
हा एक्स्प्रेस वे टार्गेटेड दिवसाच्या आठ महिन्यांपूर्वी तयार करण्यात आला आहे. या एक्स्प्रेस वेवर चार रेल्वे ओव्हर ब्रिज, 14 मोठे पूल, 266 छोटे पूल, 18 फ्लायओव्हर, 13 टोल प्लाझा आणि 7 रॅम्प प्लाझा आहेत.
परिसरात धावणाऱ्या वाहनांच्या सुरक्षेसाठी 6 पोलिस उपअधीक्षकांसह 128 पोलिस कर्मचारी तैनात करण्यात आले आहेत. याशिवाय 12 इनोव्हा वाहने लावण्यात आली आहेत. ते चोवीस तास येथून जाणाऱ्या वाहनांवर लक्ष ठेवतील.
चित्रकूट ते इटावा हा 296 किमी लांबीचा बुंदेलखंड एक्स्प्रेस वे सात जिल्ह्यांना नवसंजीवनी देईल. हे चित्रकूट, बांदा, महोबा, हमीरपूर, जालौन, औरैया आणि इटावा जिल्ह्यांना थेट जोडेल. एक्स्प्रेस वे सुरू झाल्याने चित्रकूट ते दिल्ली हा 630 किमीचा प्रवास 7 तासांत पूर्ण होणार आहे.
आग्रा-लखनौ एक्सप्रेसवे आणि यमुना एक्सप्रेसवेद्वारे दिल्ली एनसीआरशी जोडले जाईल. एक्स्प्रेस वेच्या निर्मितीनंतर बुंदेलखंडच्या औद्योगिक आणि आर्थिक विकासाचा मार्गही खुला होणार आहे.