साप माणसाच्या पाठीमागे लागतो का? डुख धरून सूड घेतो का; वाचा सत्य काय?
एक दावा खरा आहे की खोटा ते आपण जाणून घेऊ या. सापांवर हल्ला केला की ते आपल्यावर डुख धरतात. आपल्याला शोधून साप आपल्यावर सूड उगवतात असे, असा दावा अनेकजण करतात.
जगभरात सापांच्या तीन हजार प्रजाती आढळतात. यातील काही साप हे विषारी आहेत. तर काही सापांनी दंश केला तरी माणसाचा मृत्यू होत नाही. दरम्यान, सापांबाबत लोकांमध्ये अनेक गैरसमज, अंधश्रद्धा आहेत. सापांबाबत लोक अनेक दावे करतात.
यातीलच एक दावा खरा आहे की खोटा ते आपण जाणून घेऊ या. सापांवर हल्ला केला की ते आपल्यावर डुख धरतात. आपल्याला शोधून साप आपल्यावर सूड उगवतात असे, असा दावा अनेकजण करतात. साप आपल्याला स्मरणात ठेवत असतो, असेही अनेकजण म्हणतात. त्यामुळे सापांना खरंच स्मरणशक्ती असते का? हे जाणून घेऊ या...
वैज्ञानिकांनी केलेल्या एका अभ्यासानुसार साप त्यांची फिरण्याची जागा, ज्या ठिकाणी शिकार मिळते ते ठिकाण लक्षात ठेवू शकतो. परंतु सापांना खूप कमी स्मरणशक्ती असते. साप जेवणाची जागा, गंध, धोका आदी गोष्टी अचूक ओळखतो. परंतु साप माणसाला लक्षात ठेवू शकत नाही.
सांपाच्या डोक्यात नियोकॉर्टेक्स नसतो. त्यामुळे साप माणसाला लक्षात ठेवू शकत नाही. म्हणजेच साप संबंधित एकाच व्यक्तीवर सूड उगवतो, या दाव्यात काहीच तथ्य नाही. साप गंध आणि कंपन यांच्या मदतीने धोक्याला ओळखतो आणि त्यानुसारच प्रतिक्रिया देतो.
(टीप- या लेखातील सर्व माहिती ही प्राथमिक स्वरुपाची आहे. सविस्तर माहितीसाठी किंवा कोणताही प्रयोग करण्याआधी त्या-त्या क्षेत्रातील तज्ज्ञांशी संपर्क साधावा)
