सारंगखेडा – महाराष्ट्राची पारंपारिक लोककला म्हणून ओळख असलेल्या ‘लावणी’ या नृत्यकलेला गतवैभव प्राप्त करून देण्यासाठी सारंगखेडा येथील चेतक फेस्टिव्हलमध्ये चेतक फेस्टिव्हल समिती आणि पर्यटन विकास महामंडळाच्या वतीने लावणी मोहोत्सव घेण्यात आला. महाराष्ट्राची सास्कृतिक परंपरा टिकवून ठेवण्यासाठी लावणी ही कला जिवंत ठेवणं आवश्यक आहे. त्यामुळे या वर्षीपासून चेतक फेस्टिव्हलमध्ये लावणी मोहोत्सव सुरु करण्यात आला. पुढील वर्षापासून […]
अंतिम फेरीत श्रुती बडदे आणि ऐश्वर्या बडदे, वाशी, नवी मुंबई यांच्या ‘करते तुम्हा मुजरा’ या संघाने पहिला क्रमांक पटकवला. तर आकांशा कदम यांच्या ‘देखणी हिरकणी’ या संघाने दुसरा क्रमांक मिळवला. अक्षय मालवणकर यांच्या ‘लावण्य शिरोमणी’ या संघाने तिसरे बक्षीस पटकावले.
Sachin Patil | सचिन पाटील |
Updated on: Jul 05, 2019 | 4:43 PM
सारंगखेडा – महाराष्ट्राची पारंपारिक लोककला म्हणून ओळख असलेल्या ‘लावणी’ या नृत्यकलेला गतवैभव प्राप्त करून देण्यासाठी सारंगखेडा येथील चेतक फेस्टिव्हलमध्ये चेतक फेस्टिव्हल समिती आणि पर्यटन विकास महामंडळाच्या वतीने लावणी मोहोत्सव घेण्यात आला.
महाराष्ट्राची सास्कृतिक परंपरा टिकवून ठेवण्यासाठी लावणी ही कला जिवंत ठेवणं आवश्यक आहे. त्यामुळे या वर्षीपासून चेतक फेस्टिव्हलमध्ये लावणी मोहोत्सव सुरु करण्यात आला. पुढील वर्षापासून लावणी मोहोत्सवातील बक्षिसाची रक्कम दुप्पट करण्यात आली आहे, असे चेतक फेस्टिव्हल समितीचे अध्यक्ष जयपालसिंह रावल यांनी जाहीर केलं.
अकलूज लावणी मोहोत्सव बंद झाल्यानंतर पारंपारिक लावणी साजरा करण्यासाठी कलाकारांना कुठेही मोठं व्यासपीठ नव्हतं. ते आज चेतक फेस्टिव्हलच्या माध्यमातून उपलब्ध झालं आहे, अशी प्रतिक्रिया चेतक फेस्टिव्हल ची लावणीस्राम्राज्ञी ऐश्वर्या बडदे यांनी दिली.
या स्पर्धेच परीक्षण नृत्यसमशेर मायाताई जाधव आणि संगीतकार अशोक वायंगणकर, जॉन पाटील यांनी केलं.
या स्पर्धेत सहभागी संघातील कलाकारांनी पारंपारिक लावणी सादर करताना गण गौळण, मुजरा, बैठी लावणी, खडी लावणी छक्कड आणि सांघिक लावण्या सादर केल्या.
चार दिवस चाललेल्या या लावणी मोहोत्सवात सहभागी संघांनी लावणीचे रंग उधळत रसिकांची दाद मिळवली.
या मोहोत्सवात पारंपारिक लावणी सादर करत लावण्यवतींनी आपल्या दिलखेच अदांनी प्रेक्षकांची मनं जिंकली.
अंतिम फेरीत श्रुती बडदे आणि ऐश्वर्या बडदे, वाशी, नवी मुंबई यांच्या ‘करते तुम्हा मुजरा’ या संघाने पहिला क्रमांक पटकवला. तर आकांशा कदम यांच्या ‘देखणी हिरकणी’ या संघाने दुसरा क्रमांक मिळवला. अक्षय मालवणकर यांच्या ‘लावण्य शिरोमणी’ या संघाने तिसरे बक्षीस पटकावले.
पारंपारिक लावणी कला जोपसली जावी म्हणून या वर्षीपासून चेतक फेस्टिव्हलमध्ये लावणी मोहोत्सवाला सुरुवात करण्यात आली. 2 जानेवारीपासून मोठ्या उत्साहात लावणी मोहोत्सवाला सुरवात झाली.
या स्पर्धेसाठी राज्यभरातून 12 लावणी संघांनी सहभाग घेतला होता.
