अमिताभ बच्चन यांनी पुन्हा घेतलं प्रभू राम यांचं दर्शन, मंदिरातील फोटो पोस्ट करत म्हणाले…
बॉलिवूडचे महानायक अमिताभ बच्चन कायम देवदर्शनासाठी मंदिरांमध्ये जात असतात. आता देखील अमिताभ बच्चन प्रभू राम यांचं दर्शन घेण्यासाठी अयोध्या याठिकाणी पोहोचले. सध्या बिग बी यांचे अयोध्या येथील फोटो सोशल मीडियावर तुफान व्हायरल होत आहेत.
अभिनेते अमिताभ बच्चन 22 जानेवारी 2024 रोजी झालेल्या प्राणप्रतिष्ठा सोहळ्यात उपस्थित होते. आता पुन्हा एकदा बिग बी रामनगरी अयोध्येत पोहोचले आहेत. प्रभू राम यांचा आशीर्वाद घेतानाचे अनेक फोटो सोशल मीडियावर व्हायरल होत आहेत.
बिग यांनी स्वतः मंदिरातील अनेक फोटो फॅन्ससोबत शेअर केले आहेत. सध्या सोशल मीडियावर अमिताभ बच्चन यांनी पोस्ट केलेल्या फोटोंची चर्चा रंगली आहे. बिग बी यांच्या फोटोंवर चाहते लाईक्स आणि कमेंटचा वर्षाव करत आहेत.
अमिताभ बच्चन यांनी एक्सवर काही फोटो पोस्ट केले आहेत. प्रभू राम यांचं दर्शन घेताना. मंदिराचे फोटो आणि प्रभू राम यांच्या मुर्तीचे फोटो देखील बिग बी यांनी सोशल मीडियावर पोस्ट केले आहेत.
प्रभू राम यांचे दर्शन घेतल्यानंतर फोटो पोस्ट करत अमिताभ बच्चन म्हणाले, 'बोल सिया पति रामचंद्र की जय...' सध्या सोशल मीडियावर फक्त आणि फक्त अमिताभ बच्चन यांच्या पोस्टची चर्चा रंगली आहे.
सांगायचं झालं तर, प्रभू राम याच्या प्राणप्रतिष्ठा सोहळ्यासाठी अमिताभ बच्चन आणि अभिषेक बच्चन उपस्थित होते. प्राणप्रतिष्ठा सोहळ्यासाठी अनेक क्षेत्रातील व्हीआयपी व्यक्तींनी अयोध्येत हजेरी लावली होती.
