Ananya Panday: तीन वर्षांच्या रिलेशनशिपनंतर अनन्या पांडे-इशान खट्टरचं ब्रेकअप
अभिनेत्री अनन्या पांडे (Ananya Panday) आणि अभिनेता इशान खट्टर (Ishaan Khatter) यांचं ब्रेकअप झाल्याचं कळतंय. जवळपास तीन वर्षे एकमेकांना डेट केल्यानंतर या दोघांनी ब्रेकअपचा निर्णय घेतला आहे. 'पिंकविला'ने यासंदर्भातील वृत्त दिलं आहे.
अभिनेत्री अनन्या पांडे (Ananya Panday) आणि अभिनेता इशान खट्टर (Ishaan Khatter) यांचं ब्रेकअप झाल्याचं कळतंय. जवळपास तीन वर्षे एकमेकांना डेट केल्यानंतर या दोघांनी ब्रेकअपचा निर्णय घेतला आहे. 'पिंकविला'ने यासंदर्भातील वृत्त दिलं आहे.
खाली पीली या चित्रपटात दोघांनी एकत्र काम केलं होतं. याच चित्रपटादरम्यान दोघं एकमेकांच्या प्रेमात पडले. ब्रेकअपचा निर्णय दोघांचा असून एकमेकांच्या मनात कटुता न ठेवता वेगळं होण्याचं या दोघांनी ठरवलंय. भविष्यात एखाद्या चित्रपटाची ऑफर आल्यास त्यात एकत्र काम करण्याची तयारीही या दोघांची आहे.
अनन्या आणि इशानला अनेकदा पार्ट्यांमध्ये, कॅफेमध्ये एकत्र पाहिलं गेलं. नुकत्याच पार पडलेल्या शाहिद कपूरच्या वाढदिवसाच्या पार्टीलाही या दोघांनी एकत्र हजेरी लावली होती. त्यानंतरच या दोघांनी ब्रेकअपचा निर्णय घेतल्याचं कळतंय.
अनन्या आणि इशान हे मालदीवलाही एकत्र गेले होते. इतकंच नव्हे तर जेव्हा आर्यन खान ड्रग्ज प्रकरणात व्हॉट्स अॅप चॅटमध्ये अनन्याचं नाव समोर आलं आणि एनसीबीने तिला चौकशीसाठी बोलावलं, तेव्हा इशानने तिची साथ दिली.
ब्रेकअपबद्दल अद्याप या दोघांनी कोणतंही वक्तव्य केलं नाही. अनन्या लवकरच दाक्षिणात्य सुपरस्टार विजय देवरकोंडासोबत स्क्रीन शेअर करताना दिसणार आहे.