Prajakta Mali: तुझ्यामुळे मी पण लग्न केलं नाही…, प्राजक्ताच्या पोस्टची सर्वत्र चर्चा…
अभिनेत्री प्राजक्ता माळी गेल्या काही दिवसांपासून 'फुलवंती' सिनेमामुळे चर्चेत आहे. ओटीटी प्लॅटफॉर्म देखील 'फुलवंती' सिनेमाची चर्चा रंगली आहे. अशात प्राजक्ताच्या लग्नाच्या चर्चांनी जोर धरला आहे. तिची एक सोशल मीडिया पोस्ट देखील तुफान व्हायरल होत आहे.
सांगायचं झालं तर, नुकताच प्राजक्ता हिने सोशल मीडियावर आस्क मी एनिथिंग सेशन होस्ट केला. . ज्यामध्ये ती म्हणाली, ‘चला आज पहिल्यांदाच अशाप्रकारे गप्पा मारूया. तुमचे प्रश्न विचारा.’ तर एका चाहत्याने प्राजक्ताला लग्नाची मागणी घातली.
प्रश्न विचारत चाहता म्हणाला, 'तू माझ्याबरोबर लग्न करणार का? तुझ्यामुळे मी पण लग्न केलं नाही. आय लव्ह यू', चाहत्यांच्या प्रश्नावर प्राजक्ताने लक्षवेधी उत्तर दिलं आहे.
अभिनेत्री म्हणाली, , ‘माझं काही खरं नाही…तुम्ही करून टाका. (सगळेच जे थांबलेत)(जनहित में जारी..) (Spread the word..).’ सध्या अभिनेत्रीची पोस्ट तुफान व्हायरल होत आहे.
प्राजक्ता कायम सोशल मीडियावर सक्रिय असते. अभिनेत्री वेगवेगळ्या लूकमध्ये फोटो आणि व्हिडीओ पोस्ट करत चाहत्यांच्या फॅशन गोल्स देत असते.
सोशल मीडियावर प्राजक्ताच्या चाहत्यांची संख्या देखील फार मोठी आहे. चाहत्यांच्या संपर्कात राहण्यासाठी अभिनेत्री कायम स्वतःचे फोटो आणि व्हिडीओ सोशल मीडियावर पोस्ट करत असते.
