14 वर्षांनंतर सीक्वेल; पुन्हा लव्ह ट्रँगल हिट, 5 दिवसांत गाठला कमाईचा जादुई आकडा
हा चित्रपट 19 जून 2026 रोजी थिएटरमध्ये प्रदर्शित झाला आहे. विशेष म्हणजे बॉक्स ऑफिसवर इतर पाच ते सहा चित्रपटांसोबत टक्कर असतानाही या सीक्वेलने दमदार कमाई केली आहे. जवळपास 14 वर्षांपूर्वी या चित्रपटाचा पहिला भाग प्रदर्शित झाला होता.
जवळपास 14 वर्षांपूर्वी म्हणजेच 2012 मध्ये सैफ अली खान, दीपिका पादुकोण आणि डाएना पेंटी यांचा 'कॉकटेल' हा चित्रपट प्रेक्षकांच्या भेटीला आला होता. लव्ह ट्रँगलची कथा सांगणारा हा चित्रपट त्यावेळी प्रेक्षकांच्या पसंतीस उतरला होता. यातील गाणी आजही तुफान हिट आहेत. आता 14 वर्षांनंतर या चित्रपटाचा सीक्वेल प्रदर्शित झाला आहे.
शाहिद कपूर, क्रिती सनॉन आणि रश्मिका मंदाना या नव्या त्रिकुटासोबत 'कॉकटेल 2' हा चित्रपट प्रेक्षकांच्या भेटीला आहे. 19 जून 2026 रोजी प्रदर्शित झालेल्या या चित्रपटाने गेल्या पाच दिवसांत बॉक्स ऑफिसवर जबरदस्त कमाई केली आहे. ओपनिंग वीकेंड संपल्यानंतरही या चित्रपटाच्या कमाईत घट झाली नाही.
बॉक्स ऑफिसवर इतर काही चित्रपटांशी टक्कर असूनही 'कॉकटेल 2' हा चित्रपट चांगली कामगिरी करत आहे. या चित्रपटाने पहिल्याच दिवशी 13.50 कोटी रुपयांचा गल्ला जमवला होता. 'सॅकनिल्क'ने दिलेल्या वृत्तानुसार, प्रदर्शनाच्या पाचव्या दिवशी या चित्रपटाने 6.65 कोटी रुपयांची कमाई केली आहे.
'कॉकेटल 2'चा आतापर्यंतचा भारतातील कमाईचा आकडा 60.90 कोटी रुपयांवर पोहोचला आहे. या चित्रपटाने पहिल्या दिवशी 13.50 कोटी रुपये, दुसऱ्या दिवशी 16.25 कोटी रुपये, तिसऱ्या दिवशी 17.75 कोटी रुपये, चौथ्या दिवशी 6.75 कोटी रुपये, पाचव्या दिवशी 6.65 कोटी रुपये कमावले आहेत.
शाहिद कपूरच्या 'कॉकटेल 2' या चित्रपटासोबतच वरुण धवनचा 'है जवानी तो इश्क होना है', रामचरण आणि जान्हवी कपूर यांचा 'पेद्दी', बॉबी देओलचा 'बंदर', कंगना राणौत यांचा 'भारत भाग्य विधाता', दिलजीत दोसांझचा 'मैं वापस आऊंगा' आणि विक्रम भट्ट यांचा 'हाँटेड 3डी: इकोज ऑफ द पास्ट' हेसुद्धा थिएटरमध्ये प्रदर्शित झाले आहेत. या सर्वांमध्ये तगडी टक्कर सुरू आहे.
