कूलरमधून येईल AC पेक्षा जास्त ठंड हवा, फक्त घरातील ही वस्तू पाण्यात टाका, रुम होईल प्रचंड गार
AC पेक्षा जास्त ठंड हवा देईल तुमच्या घरातील कूलर. झोपताना देखील हिवाळ्याप्रमाणे चादर घेऊन बसावे लागले. फक्त कूलरमध्ये टाका ही घरातील फ्रीमधील गोष्ट.
उन्हाळा सुरू होताच वाढते तापमान, उकाडा आणि दमट वातावरणामुळे लोक एसी आणि कूलरचा वापर मोठ्या प्रमाणात करू लागतात. एसी काही मिनिटांत थंडावा देतो, मात्र त्याची किंमत आणि वाढणारे वीजबिल यामुळे प्रत्येकासाठी तो वापरणे शक्य होत नाही.
त्यामुळे बहुतांश घरांमध्ये कूलर हा सर्वात स्वस्त आणि विश्वासार्ह पर्याय ठरतो. मात्र अनेकदा कूलरमधून अपेक्षित थंड हवा मिळत नसल्याची तक्रार केली जाते. तज्ज्ञांच्या मते, काही सोप्या आणि कमी खर्चिक उपायांनी साधा कूलरही बर्फासारखी थंड हवा देऊ शकतो. योग्य वापर आणि नियमित देखभाल केल्यास कूलरची कूलिंग क्षमता अनेकपटींनी वाढू शकते.
कूलरमधून येणाऱ्या थंड हवेचा मुख्य आधार म्हणजे त्यातील पाण्याचे तापमान. टाकीतील पाणी जितके थंड असेल तितकी हवा अधिक गार येते. यासाठी कूलरच्या पाण्यात बर्फाचे तुकडे किंवा मोठी बर्फाची सिल्ली टाकण्याचा सल्ला दिला जातो. त्यामुळे खोलीत लगेच गारवा जाणवू लागतो.
याशिवाय, बर्फ लवकर वितळू नये आणि पाणी जास्त वेळ थंड राहावे यासाठी पाण्यात थोडे मीठ मिसळण्याची घरगुती ट्रिकही उपयोगी ठरते. त्यामुळे बर्फ अधिक काळ टिकतो आणि कूलिंग सतत मिळत राहते. विशेषतः प्रचंड उकाड्याच्या दिवसांत हा उपाय प्रभावी मानला जातो.
कूलरच्या थंडाव्यामध्ये त्यातील कूलिंग पॅड्स किंवा गवताचा मोठा वाटा असतो. दीर्घकाळ वापरामुळे या पॅड्समध्ये धूळ आणि घाण साचते. त्यामुळे पाणी व्यवस्थित पसरत नाही आणि थंडावा कमी होतो. म्हणून कूलरचे पॅड्स वेळोवेळी स्वच्छ करणे अत्यंत गरजेचे आहे.
