फक्त 155 मिनिटांचा गोल्डन टाईम, देव दिवाळीला किती आणि कधी दिवे लावायचे? वर्षभरासाठी व्हाल मालामाल
देव दिवाळी २०२५ मध्ये ५ नोव्हेंबर रोजी साजरी होणार आहे. कार्तिक पौर्णिमेला येणारा हा उत्सव त्रिपुरारी पौर्णिमा म्हणूनही ओळखला जातो. यंदाच्या शुभ योगात दीपदान व धार्मिक कृत्यांचे महत्त्व अधिक आहे.
diya
- हिंदू धर्मात अत्यंत पवित्र मानला जाणारा देव दिवाळीचा उत्सव यावर्षी ५ नोव्हेंबर २०२५ रोजी साजरा होणार आहे. कार्तिक पौर्णिमेच्या दिवशी हा सण येतो, ज्याला त्रिपुरारी पौर्णिमा असेही म्हणतात.
- यंदाच्या देव दिवाळीला ग्रह-नक्षत्रांचे शुभ योग जुळून येत असल्याने दीपदान आणि धार्मिक कृत्यांचे महत्त्व अधिक वाढले आहे. पंचांगानुसार, कार्तिक महिन्यातील पौर्णिमा तिथी ४ नोव्हेंबर २०२५ रोजी रात्री १०:३६ वाजता सुरू होत असून ५ नोव्हेंबर २०२५ रोजी सायंकाळी ०६:४८ वाजता समाप्त होईल.
- उदया तिथीनुसार हा सण ५ नोव्हेंबरला साजरा केला जाईल. दीपदान शुभ मुहूर्त हा सायंकाळी ०५:१५ ते ०७:५० पर्यंत आहे. हा मुहूर्त दीपदान करण्यासाठी सर्वात शुभ मानला जातो.
- पौराणिक कथेनुसार, याच दिवशी भगवान शिवाने त्रिपुरासुर राक्षसाचा वध करून देवतांना त्यांच्या त्रासातून मुक्त केले होते. त्यामुळे देवतांनी आनंद व्यक्त करत ही दिवाळी साजरी केली. देव दिवाळीचा सर्वात मोठा आणि भव्य उत्सव वाराणसी (काशी) येथे होतो.
- या दिवशी सर्व देव-देवता काशीच्या गंगा घाटावर येतात आणि दिवाळी साजरी करतात अशी श्रद्धा आहे. ज्यामुळे गंगा घाटावर लाखो दिवे लावले जातात. या दिवशी पवित्र नद्यांमध्ये स्नान (गंगा स्नान) करणे आणि दान-धर्म करणे अत्यंत पुण्यकारक मानले जाते. यामुळे देवी लक्ष्मीचा आशीर्वाद मिळतो, अशी मान्यता आहे.
- देव दिवाळीला दिवा लावणे अत्यंत शुभ मानले जाते. या दिवशी विषम संख्येचे दिवे जसे की ५, ७, ११, २१, ५१, १०१ इतके दिवे लावणे शुभ मानले जाते. वर्षभरात येणाऱ्या सर्व पौर्णिमांचे फळ मिळावे यासाठी ३६५ दिवे प्रज्वलित करण्याची परंपरा आहे.
- देवी लक्ष्मी आणि कुबेर यांना प्रसन्न करण्यासाठी घराच्या उत्तर दिशेला दिवा लावणे महत्त्वाचे आहे. घराच्या मुख्य प्रवेशद्वारावर, तुळशीजवळ, पिंपळाच्या झाडाखाली आणि पवित्र जलाशयात दीपदान करणे शुभ मानले जाते.
- ( डिस्क्लेमर : वरील माहिती उपलब्ध स्रोतावरून देण्यात आलेली आहे. याच्या तथ्यांबद्दल आम्ही कुठलाही दावा करीत नाही, तसेच अंधश्रद्धेला दुजोरा देत नाही)
