इंटीमेट सीन दाखवून या अभिनेत्रीचं दिग्दर्शकाने संपवलं करिअर, फक्त बी-ग्रेड चित्रपटांच्या यायच्या ऑफर
आमिर खानसोबत दिसणार्या या अभिनेत्रीचे दिग्दर्शकाने तिला न सांगता फसवून दाखवले इंटीमेट सीन. अभिनेत्रीचे करिअर झाले खराब. फक्त ब्री-ग्रेड चित्रपटांच्या यायच्या ऑफर.
अभिनेत्री आयशा जुल्का यांनी 90 च्या दशकात बॉलिवूडमध्ये वेगळी ओळख निर्माण केली. 28 जुलै 1972 रोजी श्रीनगर येथे जन्मलेल्या आयशाचे वडील भारतीय हवाई दलात विंग कमांडर होते. लहानपणीच त्यांचे कुटुंब मुंबईत स्थायिक झाले आणि तेथूनच त्यांच्या अभिनय कारकिर्दीला सुरुवात झाली.
आयशाने 1983 मध्ये 'कैसे कैसे लोग' या चित्रपटातून बालकलाकार म्हणून पदार्पण केले. यानंतर आयशाने 'खिलाडी', 'बलमा', 'वक्त हमारा है', 'रंग', 'संग्राम', 'दलाल', 'चाची 420', 'मसूम' आणि 'होते होते प्यार हो गया' यांसारख्या अनेक चित्रपटांत काम केले.
1993 मध्ये प्रदर्शित झालेल्या 'दलाल' या चित्रपटामुळे त्या वादात सापडल्या. चित्रपटातील एका इंटीमेट सीनसाठी त्यांच्या परवानगीशिवाय बॉडी डबलचा वापर करण्यात आल्याचा आरोप त्यांनी केला होता. या घटनेमुळे कलाकारांची संमती आणि त्यांच्या अधिकारांबाबत चित्रपटसृष्टीत मोठी चर्चा रंगली.
90 च्या दशकाच्या उत्तरार्धात आयशाने चित्रपटांमधील काम कमी केले. एकाच प्रकारच्या भूमिका मिळत असल्याने वेगळ्या भूमिका करण्याची इच्छा आणि कुटुंबाला वेळ देण्यासाठी त्यांनी अभिनयापासून काहीसा ब्रेक घेतला.
2003 मध्ये त्यांनी उद्योगपती समीर वाशी यांच्याशी विवाह केला. त्यानंतर त्यांनी व्यवसाय, सामाजिक कार्य आणि प्राणी कल्याणाच्या उपक्रमांमध्ये स्वतःला झोकून दिले. तसेच गुजरातमधील दोन गावांतील सुमारे 160 मुलांच्या शिक्षण व पोषणाची जबाबदारीही त्यांनी स्वीकारली.
