माजी IAS अधिकारी दिव्या मित्तल कोणत्या पक्षाकडून लढणार? महत्वाची अपडेट समोर
माजी आयएएस अधिकारी दिव्या मित्तल हे राजकारणात उतरणार असल्याचे निश्चित झालं आहे. त्यानंतर आता कोणत्या पक्षातून निवडणूक लढणार, याकडे साऱ्यांचं लक्ष लागंलय.
उत्तर प्रदेशात पुढील काही महिन्यात विधानसभा निवडणुका होणार आहेत. या निवडणुकीमुळे राजकीय घडामोडींना वेग आला आहे. या आगामी निवडणुकीमुळे घडणाऱ्या राजकीय घडामोडींकडे सर्वांचं लक्ष वेधून घेतलं आहे.
या निवडणुकीसाठी माजी आयएएस अधिकारी यांनी राजीनामा दिला. त्यानंतर त्यांनी निवडणुकीच्या मैदानात उतरणार असल्याचे स्पष्ट केले. त्यामुळे यंदा निवडणुकीत सत्ताधाऱ्यांना नव्या आव्हानाचा सामना करावा लागणार असल्याचे बोलले जात आहे.
दिव्या मित्तल हे नवीन पक्ष काढून निवडणुकीच्या मैदानात उतरणार असल्याची माहिती सूत्रांनी दिली आहे. दिव्या मित्तल यांच्या राजकीय वाटचालीकडे सर्वांचं लक्ष असणार आहे. खासदार चंद्रशेखर यांच्यावर अनेक आरोप करणाऱ्या रोहिणी घावरी देखील निवडणुकीत उतरण्याची शक्यता आहे.
दिव्या मित्तल यांनी राजकारणात उतरणार असल्याचे आधीच जाहीर केले आहेत. त्यांनी अद्याप कोणत्याही पक्षात जाण्याविषयी भाष्य केलेले नाही. सूत्रांनी दिलेल्या माहितीनुसार, दिव्या मित्तल या सध्या कोणत्या पक्षात जाण्याऐवजी स्वत:चा नवा पक्ष स्थापन करण्याचा विचार करत आहे.
दिव्या मित्तल यांच्याकडून मिर्जापूर किंवा बलियामधून तिकीट मिळवण्यासाठी प्रयत्न सुरु केल्याचे बोलले जात आहे. उत्तर प्रदेशात एकूण 403 विधानसभा मतदारसंघ आहेत. ही निवडणूक 2027 साली म्हणजे पुढील वर्षी होईल. परंतु आयोगाने कोणतीही अधिकृत तारीख घोषणा केलेली नाही.
