राष्ट्रपतींचे माजी ADC अधिकारी ऋषभ सिंग सांब्याल यांना मिळणार पेन्शन? जाणून घ्या मोठा नियम..
राष्ट्रपतींचे ADC असलेले सोशल मीडियावरील नॅशनल क्रश असलेल्या ऋषभ सिंग सांब्याल यांनी अचानक आपल्या पदाचा राजीनामा दिल्याने सर्वांनाच मोठा धक्का बसला. त्यातच आता मोठी माहिती पुढे येत आहे.
सोशल मीडियावरील नॅशनल क्रश म्हणून द्रौपदी मुर्मू यांचे ADC म्हणून काम करणारे ऋषभ सिंग सांब्याल यांनी अचानक लष्करातून निवृत्ती घेतल्याने अनेकांना धक्का बसला. कायमच ऋषभ सिंग सांब्याल हे द्रौपदी मुर्मू यांच्यासोबत दिसत. त्यांचे व्हिडीओही सोशल मीडियावर तूफान व्हायरल होत, ते नॅशनल क्रश बनले होते.
करिअरची अत्यंत शानदार सुरुवात झालेली असतानाही वयाच्या 30 व्या वर्षीच लष्करी सेवा अचानक सोडण्याचा त्यांचा निर्णय सर्वांसाठीच धक्कादायक ठरला. मेजर ऋषभ सिंग सांब्याल यांनी लष्कराची नोकरी का सोडली, हे जाणून घेण्याची देशातील नागरिकांची इच्छा आहे.
राज शमानी यांच्या पॉडकास्टवर या सर्व चर्चांना पूर्णविराम देत, मेजर ऋषभ यांनी स्वतःच स्पष्ट केले की, आयुष्यातील काही गोष्टींमुळे त्यांना हा निर्णय घ्यावा लागल्याचे त्यांनी स्पष्ट केले. 12 वर्ष त्यांनी देशाची सेवा बजावली. मार्च 2023 मध्ये त्यांची देशातील अत्यंत संवेदनशील पदांपैकी एक असलेल्या राष्ट्रपतींचे एडीसी म्हणून निवड झाली.
राष्ट्रपती भवनातील आपल्या तीन वर्षांच्या कार्यकाळात, त्यांनी देशांतर्गत व आंतरराष्ट्रीय मान्यवरांचे यजमानपद भूषवणे. आता चर्चा आहे की, मेजर ऋषभ सिंग सांब्याल यांना पेन्शन मिळणार का? भारतीय लष्कराच्या नियमांनुसार, किमान 20 वर्षांची सेवा पूर्ण करून निवृत्त झाल्यावर एखादा अधिकारी पूर्ण पेन्शनसाठी पात्र ठरतो.
मात्र, जेव्हा एखादा अधिकारी अचानक निवृत्ती घेतो, म्हणजेच 2o वर्षांची सेवा पूर्ण होण्यापूर्वीच निवृत्त होतो, तेव्हा वेगळ्या तरतुदी लागू होतात. मेजर ऋषभ सिंग सांब्याल यांनी 12 वर्षांची सेवा पूर्ण केली आहे.
