GK : आर्मीतील जवानांना वर्षातून किती दिवस सुट्टी मिळते?
Indian Army : भारताच्या सीमेवर इंडियन आर्मीचे जवान सतत पहारा देत असतात. त्यामुळेच आपण सुरक्षित आहोत. आज आपण आर्मीतील जवानांनी वर्षातून किती दिवस सुट्ट्या मिळतात याची माहिती जाणून घेणार आहोत.
एकूण रजा: भारतीय लष्करातील नियमित जवानांना वर्षाकाठी एकूण 80 दिवसांची रजा मिळते. यामध्ये 60 दिवस वार्षिक रजा (Annual Leave) आणि 20 दिवस किरकोळ रजेचा (Casual Leave) समावेश असतो.
अग्निवीरांसाठी नियम: अग्निवीर योजनेंतर्गत भरती झालेल्या जवानांना वर्षाकाठी केवळ 30 दिवसांची रजा दिली जाते. मात्र, काही विशिष्ट किंवा आणीबाणीच्या परिस्थितीत त्यांना वैद्यकीय रजा मिळू शकते.
आणीबाणीच्या परिस्थितीत परतावे लागते: लष्करातील जवानांची रजा ही निश्चित नसते. जर एखादा जवान रजेवर असेल आणि देशात काही आणीबाणीची किंवा गंभीर स्थिती उद्भवली, तर त्याला रजा रद्द करून तात्काळ कर्तव्यावर परतणे बंधनकारक असते.
वैद्यकीय आणि विशेष रजा: वार्षिक आणि किरकोळ रजेव्यतिरिक्त, जवानांना आजारपण किंवा इतर काही अत्यंत महत्त्वाच्या कारणांसाठी विशेष वैद्यकीय रजा (Medical Leave) घेण्याची तरतूद आहे.
रजा साठवण्याची मर्यादा: जवानांना त्यांच्या पूर्ण सेवा कालावधीत जास्तीत जास्त ३०० दिवसांची रजा साठवता येते (Accumulate). यापेक्षा जास्त रजा झाल्यास ती व्यपगत (Lapse) होऊ शकते.
