इंद्रधनुष्य सारखा दिसणारा रहस्यमयी पर्वत! निसर्गाचा हा चमत्कार पाहून व्हाल थक्क!
जगात एका देशात एक अशी जागा आहे ज्याला बघून तुम्ही थक्क व्हाल. एका ठिकाणी असा पर्वत आहे ज्याचा रंग इंद्रधनुष्य सारखा आहे.
चीनच्या गांसू प्रांतातील झांग्ये डॅनशिया नॅशनल जिओलॉजिकल पार्कमधील पर्वत त्यांच्या अनोख्या रंगांसाठी प्रसिद्ध आहेत. लाल, पिवळ्या, नारंगी, हिरव्या आणि जांभळ्या रंगांच्या छटांमुळे त्यांना 'रेनबो माउंटन्स' असे म्हटले जाते.
या पर्वतांवर दिसणाऱ्या रंगीबेरंगी रेषा एखाद्या कलाकाराने काढलेल्या चित्रासारख्या भासतात. दूरून पाहिल्यावर हे पर्वत एखाद्या रंगीबेरंगी गालिच्यासारखे दिसतात.
या पर्वतांचे रंग कोणत्याही जादूमुळे नव्हे, तर लाखो वर्षांच्या भूगर्भीय प्रक्रियेमुळे तयार झाले आहेत. वाळूचे खडक आणि लोह ऑक्साइडसारख्या विविध खनिजांच्या थरांमुळे त्यांना वेगवेगळे रंग प्राप्त झाले आहेत.
सकाळी आणि संध्याकाळी सूर्यकिरणे या रंगीबेरंगी पर्वतांवर पडतात, तेव्हा त्यांचे सौंदर्य आणखी खुलून दिसते. विशेषतः सूर्योदय आणि सूर्यास्ताच्या वेळी येथील दृश्य एखाद्या स्वप्नवत दुनियेचा अनुभव देते.
चीनमधील या पर्वतांना 2010 मध्ये युनेस्कोच्या जागतिक वारसा यादीत स्थान मिळाले. याशिवाय पेरूमधील विनिकुंका माउंटनदेखील आपल्या सात रंगांच्या पर्वतांसाठी प्रसिद्ध आहे. निसर्गाची ही रंगांची जादू पर्यटकांना अक्षरशः मंत्रमुग्ध करते!
