Todays Gold rate: सोन्याचा भाव कायच्या काय वाढला, आज 10 ग्रॅमसाठी…
Todays Gold rate: गेल्या काही दिवसांपासून सोने आणि चांदीच्या दरात चांगली वाढ होताना दिसत आहे. आज तर सोन्याच्या भावाने सर्व मर्यादा ओलांडल्या आहेत. हे दर पाहून अनेकांना धक्का बसला आहे.
पंतप्रधान नरेंद्र मोदी यांनी वर्षभर सोने आणि चांदी खरेदी करु नका असे आवाहन जनतेला केला आहे. पण भारतीय संस्कृतीमध्ये अतिशय मौल्यवान मानल्या जाणाऱ्या सोन्याची किंमत दिवसेंदिवस आकाशाला स्पर्श करताना दिसत आहे. आज सोन्याचे भाव तुफान वाढले आहेत.
जळगावच्या सराफ बाजारात सोन्या आणि चांदीच्या दरात मोठी वाढ झाली आहे. ऐन लग्न सराईच्या काळात सोन्याचे भाव वाढले असले तरी अनेकजण खरेदी करताना दिसत आहेत.
आज सोन्याच्या दरात 1 हजार 500 रुपयांची वाढ झाली आहे. तर चांदीच्या दरात तब्बल 10 हजार रुपयांची वाढ झाली आहे.
10 ग्रॅम सोन्याचे दर जीएसटीसह 1 लाख 56 हजार 45 रुपयांवर पोहोचले आहेत. तर चांदीचे दर जीएसटीसह 2 लाख 77 हजार 70 रुपयांवर पोहोचले आहे. पंतप्रधान नरेंद्र मोदींनी सोन्या-चांदीची खरेदी न करण्याच्या केलेल्या आवाहन नंतर दुसऱ्या दिवशी सोन्या-चांदीच्या दरात मोठी वाढ
पंतप्रधान नरेंद्र मोदी यांच्या आवाहनानंतर दुसऱ्या दिवशी देखील जळगावात सोन चांदी खरेदीसाठी नागरिकांची गर्दी कायम असल्याचे चित्र आहे. त्यामुळे वाढलेल्या किंमतींचा फारसा परिणाम होत नसल्याचे दिसत आहे. तसेच जळगावच्या सराफ बाजारात दागिने घडवणाऱ्या कारागिरांना मोठ्या अडचणीचा सामना करावा लागणार असल्याचे समोर आले आहे.
