Gold Rate Update : सोनं झालं चंगलंच स्वस्त…एका ग्रॅमचा भाव वाचून चकित व्हाल; जाणून घ्या किती रुपये लागणार?
गेल्या दहा दिवसांत युद्धकाळात सोने आणि चांदी या दोन्ही मौल्यवान धातूंचा भाव कधी वाढला तर कधी कमी झाला आहे. दहा दिवसांचा अभ्यास केल्यास सोने स्वस्त झाल्याचे तुम्हाला दिसेल.
सध्या इराण-इस्रायल यांच्यातील युद्धामुळे जगात खळबळ उडालेली आहे. या युद्धामुळे जगातिक पातळीवरील दळणवळण, बाजारपेठेवरही परिणाम पडला आहे. या जागतिक संकटामुळे लोक सुरक्षित गुंतवणुकीकडे वळले आहेत. त्याचाच परिणाम म्हणून सोन्याचा दर कधी वाढतोय तर कधी कमी होतोय.
युद्ध सुरू झाले तेव्हापासून सोन्याचा भाव कधी वाढला तर कधी कमी झाला. गेल्या दहा दिवसांचा अभ्यास केला तर सोन्याच्या भावात एकूण 735 रुपयांचा बदल झाल्याचे दिसते. सोने दहा दिवसांत 735 रुपयांनी स्वस्त झाले आहे.
दहा दिवसांपूर्वी म्हणजेच 2 मार्च रोजी 24 कॅरेट सोन्याचा भाव हा 17,066 रुपये प्रति 1 ग्रॅम होता. 22 कॅरेट सोन्याचा भाव 15,645 रुपये प्रति 1 ग्रॅम होता. या दहा दिवसांच्या तुलनेत सोनं 11 मार्च रोजी स्वस्त झालं आहे.
10 मार्च रोजी 24 कॅरेट सोन्याचा भाव 16,253 रुपये प्रति 1 ग्रॅम होता. 22 कॅरेट सोन्याचा भाव 14,900 रुपये प्रति 1 ग्रॅम होता. हाच भाव आता 11 मार्च रोजी 16,331 रुपये प्रति 1 ग्रॅम (24 कॅरेट) आणि 14,970 रुपये प्रति 1 ग्रॅम (22 कॅरेट) एवढा झाला आहे.
तज्ज्ञांच्या मते अमेरिका-इस्त्रायल आणि इराण यांच्यातील युद्धाचा सोने-चांदीच्या भावावर परिणाम होत आहे. जळगावच्या सराफा बाजारामध्ये सोन्याच्या दरात चढ-उतार कायम असल्याचे पाहायला मिळत आहे. त्यामुळे भविष्यात नेमके काय होणार? हे पाहणे महत्त्वाचे ठरणार आहे.
