गोविंदाचे अफेअर असलेली ती मराठी अभिनेत्री आली समोर? एअरपोर्टवरील फोटोंनी वेधले लक्ष
सध्या सोशल मीडियावर गोविंदाचा एक व्हिडीओ व्हायरल होत आहे. या व्हिडीओमध्ये तो एका मिस्ट्री गर्लसोबत दिसत आहे. ही तिच अभिनेत्री आहे जिच्यासोबत गोविंदाचे अफेअर सुरु आहे असे म्हटले जात आहे.
बॉलिवूड अभिनेता गोविंदा हा त्याच्या चित्रपटांसोबतच कायम खासगी आयुष्यामुळे चर्चेत राहिला आहे. गोविंदाची पत्नी सुनीता अहूजा यांनी त्यांच्या संसारातील अनेक गोष्टी सांगितल्या. दरम्यान, गोविंदाचे एका मराठी अभिनेत्रीसोबत अफेअर असल्याच्या चर्चा सुरु आहेत. आता गोविंदा विमानतळावर दिसला. त्यावेळी त्याच्यासोबत असलेल्या मिस्ट्री गर्लने सर्वांचे लक्ष वेधून घेतले आहे.
गोविंदा एका अज्ञात मुलीसोबत मुंबई एअरपोर्टवर स्पॉट झाला आहे. त्याच्या सोबतच्या मुलीने पांढऱ्या रंगाचा ड्रेस परिधान केला होता. सोशल मीडियावर दोघांचे फोटो आणि व्हिडिओ व्हायरल झाले आहेत. ही मुलगी नवोदित अभिनेत्री कोमल रानी स्वर्णकार असल्याचे सांगितले जात आहे.
गोविंदा आणि कोमल यांच्यातील जवळीक पाहून अनेकांना धक्का बसला. दोघांची ओळख गेल्या चार वर्षांपासून असल्याचे मीडिया रिपोर्ट्समध्ये म्हटले आहे. दोघे एकत्र उत्तराखंडमधील एका कार्यक्रमासाठी गेले होते, असेही सांगितले जात आहे. मात्र दोघांकडूनही त्यांच्या नात्याबाबत कोणतेही अधिकृत विधान अजून आलेले नाही. सध्या केवळ चर्चाच सुरू आहेत.
सुनीता आहुजा यांनी २०२६ मध्ये मिस मालिनीला दिलेल्या मुलाखतीत गोविंदाच्या कथित अफेअरबद्दल प्रतिक्रिया दिली होती. त्यावेळी सुनीता म्हणाल्या होत्या, “काहीतरी गडबड आहे.” कोमल या नावाबद्दल नाराजी व्यक्त करताना त्या म्हणाल्या, “मला या नावाचा द्वेष आहे. एक मुलगी आहे कोमल XYZ... मला तिचा द्वेष वाटतो. जर मला कोणतेही पुरावे मिळाले तर मी गोविंदाला कधीच माफ करणार नाही.”
कोमल रानी स्वर्णकार ही ग्लॅमर इंडस्ट्रीतील नवीन अभिनेत्री असून ती उत्तर प्रदेशची असल्याचे सांगितले जाते. गोविंदाच्या आगामी चित्रपट ‘रूपा’मधून ती बॉलिवूडमध्ये पदार्पण करणार आहे. विशेष म्हणजे गोविंदा स्वतः तिला या चित्रपटातून लाँच करत आहेत. प्रमोशनदरम्यान गोविंदाने तिचे कौतुक केले होते आणि तिने कमीत कमी अर्धा डझन हिट चित्रपट करावेत, अशी इच्छाही व्यक्त केली होती.
