Govinda: सुनीता आहुजाच्या घरी बाप्पाचे आगमन, स्वागतासाठी ना मुले ना पती, एकटीच असण्यामागे कारण तरी काय?
सुनीता आहुजाने मोठ्या थाटामाटात गणपती बाप्पाचे स्वागत केले. पण स्वागताच्या वेळी ना पती गोविंदा हजर होता ना मुले. आता सुनीताने स्वत: यामागचे कारण सांगितले आहे,.
सोशल मीडियावर गोविंदाची पत्नी सुनीता आहूजाने गणपती बाप्पाला घरी आणल्याचा व्हिडीओ व्हायरल होत आहेत. सुनीताने मोठ्या आनंदाने बाप्पाचे स्वागत केले. पण स्वागताच्या वेळी सुनीता एकटीत दिसली. ना पती ना मुले. सुनीताने एकटीने गपणती बाप्पाचे स्वागत केले. आता त्यामागचे कारण तरी काय? असा प्रश्न अनेकांना पडला. यावर सुनीताने प्रतिक्रिया दिली आहे.
सुनीता आहूजा आपल्या घरात गणपती बाप्पाच्या स्वागताचा आनंद साजरा करत आहेत. यावर्षी सुनीताने स्वतः गणपती बाप्पाला घरी आणले. तिने सांगितले की तिचा पती-अभिनेता गोविंदा सध्या अमेरिकेत आहे आणि तो नंतर परत येणार आहे.
एएनआयशी बोलताना सुनीता म्हणाली की साधारणपणे गोविंदा आणि तिचा मुलगा यशवर्धन भगवान गणेशाला घरी आणतात, पण यावेळी त्यांनी स्वतः ही जबाबदारी घेण्याचा निर्णय घेतला. सुनीता म्हणाली की “यावेळी मी गणपतीला खूप नाचत गाजत घरी आणले. साधारणपणे गोविंदा जी किंवा यशवर्धन त्यांना घरी घेऊन येतात. गेल्या एका वर्षात बाप्पाने मला खूप प्रसिद्धी दिली आहे. मी कष्टाने काम केले आहे आणि माझ्यासाठी सर्वकाही खूप चांगले झाले आहे. म्हणून मी ठरवले की मी भगवान गणेशाला स्वतःच्या हातांनी आणेन.”
सुनीताने आहूजा कुटुंबात दीर्घकाळ चालत आलेल्या गणपती परंपरेबद्दलही वक्तव्य केले. सुनीता म्हणाली की ती दरवर्षी ही परंपरा पुढे नेण्यासाठी प्रयत्न करत राहिली आहे. सणाबद्दल बोलताना सुनीता आहूजा म्हणाली की गणेश चतुर्थीदरम्यान घरात सणाचे वातावरण खूप आवडते.
यावर्षीच्या उत्सवात सुनीताने आनंद घेतला पण गोविंदा अमेरिकेत आहे. तिने सांगितले की तो रात्रीपर्यंत परत येण्याची अपेक्षा आहे. सुनीता म्हणाली की, “गोविंदाजी अमेरिकेत आहेत, ते रात्री परत येतील. जर ते थकले असतील तर आज दर्शनासाठी येणार नाहीत आणि उद्या येतील. हे त्यांचे घर आहे, म्हणून त्यांना तर यायचेच आहे.”
