HOLI 2021 | फक्त भारतातच नाही, विविध देशांमध्ये रंगोत्सवाचा जल्लोष
फक्त भारतातच नाही तर जगभरातील काही निवडक देशात होळी साजरी केली जाते. (Holi Celebration Around the World)
होळी म्हणजे रंगांचा सण, फाल्गुन महिन्यात येणारी पौर्णिमा ही होळी पौर्णिमा म्हणून ओळखली जाते. देशभरात मोठ्या उत्साहात होळी साजरी केली जाते. होळीच्या दुसऱ्या दिवशी धूलिवंदन हा सण ही फार जल्लोषात साजरा केला जातो.
फक्त भारतातच नाही तर जगभरातील काही निवडक देशात होळी साजरी केली जाते. पण प्रत्येक देशात याला वेगवेगळ्या नावाने ओळखले जाते.
होळीप्रमाणेच स्पेनमध्ये दरवर्षी ला टोमॅटीना (La Tomatina) नावाचा सण साजरा केला जातो. यावेळी फक्त टोमॅटोने होळी साजरी केली जाते. यावेळी लोक एकमेकांवर टोमॅटोचा वर्षाव करतात.
इटलीमध्ये होळीप्रमाणे रेडिका नावाचा सण साजरा केला जातो. फेब्रुवारी महिन्याच्या पहिल्या आठवड्यात हा सण साजरा करतात. यावेळी एका वर्तुळाकार भागात लाकूड जमा करुन ते जाळतात. या आगीभोवती लोक फेऱ्या घालतात. एकमेकांवर गुलालची उधळण करतात. रोममध्ये याला सेंटरनेविया या नावाने ओळखले जाते.
बेल्जियममध्ये भारताप्रमाणेच होळी साजरी केली जाते. याठिकाणी हा दिवस मूर्ख दिवस म्हणून साजरा केला जातो. यावेळी जुन्या शूजचे होलिकादहन केले जाते.
पॉलंडमध्ये होळीप्रमाणेच अर्सीना नावाचा एक सण साजरा केला जातो. यावेळी लोक एकमेकांवर रंगाची उधळण करतात. तसेच यावेळी एकमेकांमधील वैर विसरुन मिठी मारतात.
अमेरिकेच्या टेक्सासमध्ये कलरजाम नावाचा एक सण साजरा केला जातो. यावेळी नाचगाण्यासह रंगोत्सव खेळला जातो. हा सण होळीप्रमाणेच साजरा केला जातो.
