PHOTO | सैराटची ‘आर्ची’ आता ‘अशी’ दिसतेय…
सैराट चित्रपटातून अभिनयाच्या दुनियेत पदार्पण करणारी 'आर्ची' म्हणजेच रिंकू राजगुरु, आज प्रत्येकाच्या मनावर अधिराज्य गाजवते आहे.
सैराट चित्रपटातून अभिनयाच्या दुनियेत पदार्पण करणारी 'आर्ची' म्हणजेच रिंकू राजगुरु, आज प्रत्येकाच्या मनावर अधिराज्य गाजवते आहे.
रिंकूने आपल्या अभिनयाची सुरुवात सैराट चित्रपटापासून केली. सैराट चित्रपटाचे दिग्दर्शक नागराज मंजुळे यांच्यामुळेच तिला एवढी प्रसिद्धी मिळाल्याचे रिंकूने वेळोवेळी सांगितले आहे.
रिंकूच्या सैराट चित्रपटाला महाराष्ट्राच्या जनतेने अक्षरश: डोक्यावर घेतले. सैराटमधील अजोड अभिनयामुळे रिंकुला राष्ट्रीय पुरस्कारही मिळाला. पुढे लारा दत्त सोबत काम करण्याची संधी मिळाल्यानंतर तिने आपले वजनही कमी केले होते.
त्यानंतर अभिनय, चित्रपटांच्या दुनियेत तिला एकापेक्षा एक संधी मिळत गेली. रिंकूने मिळेलेल्या प्रत्येक संधीचं सोनं केलं. वेगवेगळ्या भूमिकांत स्वत:ला पूर्णपणे झोकून देण्यासाठी, भूमिकेला जिवंत करण्यासाठी तिने व्यायामही केला स्वत:च्या शरिराला घडवलं.
त्यानंतर अभिनय, चित्रपटांच्या दुनियेत तिने कधी मागे वळून पाहिलंच नाही. तिच्या कारकिर्दीचा आलेख अजूनही चढताच आहे.
मराठी चित्रपटसृष्टीत रिंकू राजगुरु ही अशी अभिनेत्री आहे, जिने अत्यंत कमी वेळेत मोठे यश मिळवले. कमी वेळेत तिला मोठी फॅन फॉलोईंग मिळालेली आहे.
रिंकूच्या सुंदरतेबद्दल बोलायचं झालं तर, संपूर्ण महाराष्ट्रात तिच्या ब्युटीचे दिवाने आहेत. मराठी चित्रपटसृष्टी तसेच बॉलिवूडमधील दिग्गज अभिनेत्यांनी रिंकूच्या सौंदर्याची स्तुती केलेली आहे.
