तुम्ही टोल भरता त्याने सरकारची तिजोरी किती भरते? कोट्यवधी रुपयांचे पुढे काय होते?
Toll Tax Earning : कोणत्याही हायवेने प्रवास करायचा असेल तर तुम्हाला टोल भरावा लागतो. आज आपण सरकार टोल टॅक्सच्या माध्यमातून किती कमाई करते आणि हे पैसे कुठे खर्च होतात याबाबत सविस्तर माहिती जाणून घेऊयात.
कमाईचा नवा उच्चांक : भारतीय रस्ते पायाभूत सुविधांमध्ये झालेल्या प्रगतीमुळे टोल वसुलीमध्ये मोठी वाढ झाली आहे. आर्थिक वर्ष 2026-27 मध्ये टोलमधून होणारी कमाई पहिल्यांदाच 1 लाख कोटी रुपयांच्या पुढे जाण्याची शक्यता आहे.
कमाई वाढीची कारणे : वाहनांच्या संख्येत झालेली वाढ, लॉजिस्टिक क्षेत्राचा विस्तार आणि टोल दरांमध्ये वेळोवेळी होणारी सुधारणा यामुळे ही कमाई वाढली आहे. 2025-26 या वर्षात ही कमाई सुमारे 75000 कोटी रुपये इतकी अपेक्षित आहे.
फास्टॅगचा प्रभाव: देशातील 98% पेक्षा जास्त वाहने आता फास्टॅगचा वापर करत आहेत. यामुळे टोल वसुलीमध्ये पारदर्शकता आली असून वसुलीचा खर्चही कमी झाला आहे. 2024-2025 मध्ये फास्टॅगद्वारे 72390 कोटी रुपयांची वसुली झाली आहे.
पैशांचा विनियोग: टोलमधून जमा होणारा पैसा मुख्यत्वे राष्ट्रीय महामार्गांचे बांधकाम, देखभाल-दुरुस्ती आणि नवीन एक्सप्रेसवे उभारण्यासाठी वापरला जातो. याशिवाय रस्ते सुरक्षा, वृक्षारोपण आणि महामार्गांवरील आधुनिक सुविधांसाठीही या निधीचा वापर होतो.
कडक नियम: टोल थकबाकी रोखण्यासाठी सरकारने नवीन नियम लागू केले आहेत. आता जुने वाहन विकताना किंवा फिटनेस सर्टिफिकेट घेताना प्रलंबित टोल टॅक्स भरणे अनिवार्य करण्यात आले आहे, जेणेकरून महसूल गळती थांबवता येईल.
