IPL 2026: आयपीएल 2026 स्पर्धेपूर्वी पंजाब किंग्सने लाँच केली नवी जर्सी, कर्णधार श्रेयस अय्यरचा लूक पाहा
आयपीएल स्पर्धेच्या इतिहासात पंजाब किंग्सची जेतेपदाची झोळी रितीच राहिली आहे. आतापर्यंत 18 पर्वात दोनदा जेतेपदाने हुलकावणी घातली. आता पुन्हा एकदा पंजाब किंग्स संघ जेतेपदासाठी सज्ज झाला आहे. यापूर्वी पंजाब किंग्सने नव्या जर्सीचं अनावरण केलं आहे.
आयपीएल 2026 स्पर्धेसाठी सर्व दहा फ्रेंचायझी तयारीला लागल्या आहेत. यात पंजाब किंग्स संघही मागे नाही. मागच्या पर्वात जेतेपदाची संधी हुकली होती. आरसीबीने अंतिम सामन्यात पराभूत केल्याने पहिल्या जेतेपदाचं स्वप्न भंगलं होतं. आता पुन्हा एकदा पंजाब किंग्स संघ श्रेयस अय्यरच्या नेतृत्वात जेतेपदाला गवसणी घालण्यासाठी सज्ज आहे. आयपीएल स्पर्धा 28 मार्चपासून सुरू होणार आहे. यापूर्वी पंजाब किंग्स फ्रेंचायझीने या पर्वासाठी नव्या जर्सीचं अनावरण केलं आहे. फ्रेंचायझीने सोशल मीडियावर कर्णधार श्रेयस अय्यरचा नव्या जर्सीसह फोटो शेअर केले आहेत. तसेच संघाचा एक व्हिडीओही जारी केला आहे. ही जर्सी मागच्या पर्वातील जर्सीपेक्षा खूपच वेगळी आहे. मागच्या पर्वात पंजाब किंग्सची जर्सी पूर्णपणे लाल रंगात होती. मात्र आता त्यात बदल करण्यात आला आहे.
आयपीएल स्पर्धेतील पंजाब किंग्सने आपल्या लाल रंगाची ओळख कायम ठेवली आहे. पण नव्या जर्सीममध्ये लाल रंगासह गोल्डन डिझाईन दिली आहे. इतकंच काय तर खेळाडूंची नावंही सोनेरी रंगातच लिहिली आहेत. इतकंच काय तर खांद्यावर निळ्या रंगाच्या पट्ट्या दिल्या आहेत. त्यामुळे ही जर्सी वेगळी दिसते. या जर्सीत पांढरा आणि हलका पिवळ्या रंगाचा वापरही करण्यात आला आहे. पंजाब किंग्सची नवी जर्सी चाहत्यांना पसंतीस उतरली आहे.
𝐅𝐎𝐑𝐂𝐄 𝐎𝐅 𝐅𝐔𝐑𝐘 🦁♦️ Our Sarpanch is ready. Punjab is ready. 🔥
Presenting our new kit for #TATAIPL 2026. ❤️💙 pic.twitter.com/GCG88A6AiV
— Punjab Kings (@PunjabKingsIPL) March 12, 2026
Our threads for #IPL2026! 🔥#SherSquad, saddi navi jersey ghaint aa? 😎#PunjabKings pic.twitter.com/JESDKdsntG
— Punjab Kings (@PunjabKingsIPL) March 12, 2026
आयपीएल स्पर्धेच्या 20 सामन्यांचं वेळापत्रक जारी
आयपीएल स्पर्धेसाठी पहिल्या टप्प्यातील वेळापत्रक जारी करण्यात आलं आहे. या टप्प्यात पंजाब किंग्स चार सामने खेळणार आहे. पहिला सामना 31 मार्च रोजी गुजरात टायटन्सशी, दुसरा सामना 3 एप्रिल रोजी चेन्नई सुपर किंग्सशी, तिसरा सामना 6 एप्रिल रोजी कोलकाता नाईट रायडर्सशी आणि चौथ्या सामना 11 एप्रिल रोजी सनरायझर्स हैदराबादशी खेळणार आहे.
आयपीएल 2026 स्पर्धेसाठी पंजाबचा संपूर्ण संघ
श्रेयस अय्यर (कर्णधार), प्रभसिमरन सिंह, प्रियांश आर्य, कूपर कोनोली, बेन ड्वारशुइस, विशाल निषाद, प्रवीण दुबे, अर्शदीप सिंह, अजमतुल्लाह उमरजई, हरनूर पन्नू, हरप्रीत बराड़, लॉकी फर्ग्यूसन, मार्को यानसेन, मार्कस स्टोइनिस, मिच ओवेन, मुशीर खान, नेहाल वढेरा, पायला अविनाश, शशांक सिंह, सूर्यांश शेडगे, विष्णु विनोद, विशाक विजयकुमार, झेव्हियर बार्टलेट, युजवेंद्र चहल, यश ठाकुर.
