Diwali 2023 | इको फ्रेंडली दिवाळी कशी साजरी करावी? फॉलो करा या टिप्स
वाढतं प्रदूषण पाहता आपण इको फ्रेंडली दिवाळी साजरी करणं आणि येणाऱ्या पिढीलाही इको फ्रेंडली दिवाळी साजरी करायला शिकवणं गरजेचं आहे. मग इको फ्रेंडली दिवाळी कशी साजरी केली पाहिजे? इको फ्रेंडली म्हणजे नेमकं काय करायचं? आम्ही काही टिप्स देत आहोत ज्या तुम्हाला उपयोगात येतील.
दिवाळी अवघ्या काही दिवसांवर येऊन ठेपली असताना दिल्लीच्या हवेतील प्रदूषण खूप वाढले आहे. हवेच्या खराब गुणवत्तेमुळे श्वास घेणे कठीण झाले आहे. पर्यावरण स्वच्छ ठेवणे हे आपल्या प्रत्येकाचे कर्तव्य आहे. यासाठी इको फ्रेंडली दिवाळी हा एकमेव ऑप्शन आहे. मग इको फ्रेंडली दिवाळी कशी साजरी करावी? वाचा
दिवाळी हा दिव्यांचा सण. जिकडे तिकडे रोषणाई, झगमगाट, सगळीकडे प्रकाश. दिव्यांचा सण साजरा करायचा असेल तर तुम्हाला खूप प्रकाश हवा, सगळीकडे लाईट्सचा खूप वापर केला जातो. जर तुम्हाला दिवाळी इको फ्रेंडली पद्धतीने साजरी करायची असेल तर तुम्ही सौर ऊर्जेचा वापर करू शकता. सौर प्रकाशासाठी बाजारात सौर दिवे सहज उपलब्ध आहेत. इको फ्रेंडली दिवाळीसाठी हे दिवे तुम्ही वापरू शकता.
दिवाळीत आपण लोकांना गिफ्ट देतो, फराळ देतो. यासाठी जे पॅकेजिंग केलं जातं ते इको फ्रेंडली असावं. कुठल्याही प्रकारचं पॅकेजिंग करताना प्लास्टिकचा वापर करणं टाळा. मिठाई आणि भेटवस्तू पॅक करताना इको फ्रेंडली पॅकेजिंग वापरा त्यासाठी अनेक ऑप्शन्स बाजारात उपलब्ध आहेत.
दिवाळी म्हणलं की दिव्यांचा सण मार्केट मध्ये कितीही वेगवेगळ्या पद्धतीचे दिवे आले असले तरीही तुम्ही इको फ्रेंडली दिव्यांचा वापर करू शकता. मातीचे दिवे यासाठी बेस्ट ऑप्शन आहे. मातीचे दिवे विघटित होऊ शकतात हे दिवे इको फ्रेंडली असतात. या दिव्यांमुळे कोणताही कचरा पसरत नाही.
सणासुदीच्या दिवशी दारात रांगोळी नसेल तर सण पूर्ण होत नाहीत. इको फ्रेंडली रांगोळीसाठी तुम्ही फुलांचा वापर करू शकता. तुम्हाला कल्पना नसेल पण रांगोळी काढण्यासाठी तुम्ही फुलांच्या पाकळ्या आणि मसाल्यांचा देखील वापर करू शकता. तुम्ही घरातील अनेक इको फ्रेंडली गोष्टींचा रांगोळी काढण्यासाठी वापर करू शकता.
