Photo : हार्दिक पांड्या, वॉश्गिंटन सुंदर की अक्षर पटेल, चेन्नई टेस्टचं तिकीट कुणाला मिळणार?
इंग्लंड विरुद्धच्या कसोटी मालिकेसाठी (India vs England) आता काही तास शिल्लक राहिले आहेत. टीम इंडिया आणि इंग्लंड दोन्ही संघ आमनेसामने भिडण्यासाठी सज्ज आहेत.
टीम इंडियाने मैदानात 1 फेब्रुवारीला या कसोटी मालिकेच्या पार्श्वभूमीवर जोरदार सराव केला आहे. पहिला कसोटी सामन्याला काहीच तास शिल्ल आहेत तरीदेखील अद्याप पहिल्या कसोटी सामन्यासाठी टीम इंडियाची Playing XI ठरलेली नाही.
फिरकीपटू रवीचंद्रन अश्विन भारतीय फिरकीची बाजू सांभाळणार आहे. त्याच्या साथीला दुसरा फिरकीपटू म्हणून कोणाला संधी देणार याकडे सर्वांचे लक्ष लागले आहे. या जागेसाठी वॉशिंग्टन सुंदर आणि अक्सर पटेल या दोघांमध्ये कांटे की टक्कर पाहायला मिळणार आहे.
वॉशिंग्टन सुंदर आणि अक्सर पटेल दोघेही चांगल्या फॉर्ममध्ये आहेत. अश्विनची साथ देण्यासाठी कुलदीप यादवची निवड झाली तर तिसरा फिरकीपटू म्हणून सुंदर आणि अक्सर यापैकी एकालाच संधी मिळू शकते.
टीम इंडियाचा प्रमुख गोलंदाज जसप्रीत बुमराह हा इंग्लंडविरुद्धच्या पहिल्या कसोटीत खेळणार आहे. तर बुमराहनंतर दुसरा प्रमुख गोलंदाज म्हणून ईशांत शर्मा किंवा मोहम्मद सिराज यापैकी एकाची निवड केली जाणार असल्याचे बोलले जात आहे.
हार्दिकची शेवटची कसोटी मॅच 2018 साली खेळला होता. जर हार्दिकला कसोटी सामन्यांत आपली जागा फिक्स करायची असेल तर त्याला गोलंदाजीत आपलं कसब दाखवावं लागेल. चेन्नईचं पीच हे फिरकी गोलंदाजांना साथ देणारं आहे. त्यामुळे हार्दिकचा समावेश होणार की नाही? याबाबत साशंकता व्यक्त केली जात आहे.
दरम्यान या 4 सामन्यांच्या कसोटी मालिकेला 5 फेब्रुवारीपासून सुरुवात होत आहे. यामधील पहिले 2 सामने हे चेन्नईतील चेपॉक स्टेडियममध्ये खेळण्यात येणार आहेत. तर उर्वरित 2 सामन्यांचं आयोजन हे अहमदाबादमधील मोटेरा स्टेडियममध्ये केलं आहे.
