जान्हवी किल्लेकर स्पष्टच म्हणाली, नवऱ्यासोबत फोटो शेअर नाही करत, कारण…
मराठमोळी अभिनेत्री आणि बिग बॉस स्पर्धत जान्हवी किल्लेकर कायम कोणत्या न कोणत्या कारणामुळे चर्चेत असते. आता देखील अभिनेत्री ट्रोलर्सच्या प्रश्नाला सडेतोड उत्तर दिलं आहे. सतत विचारण्यात येणाऱ्या प्रश्नावर आता तर, जान्हवीने स्पष्टच सांगितलं आहे.
अभिनेत्री जान्हवी किल्लेकर हिला आज कोणत्याच ओळखीची गरज नाही. प्रसिद्ध वाढल्यामुळे अभिनेत्रीच्या खासगी आयुष्याबद्दल जाणून घेणाऱ्यांची संख्या देखील वाढली आहे. नुकताच जान्हवीने मुलासोबत काही फोटो सोशल मीडियावर पोस्ट केले.
फोटोमध्ये जान्हवी आणि तिचा मुलगा स्विमिंग पूलमध्ये मज्जा मस्ती करताना दिसते. दोघांचे फोटो सोशल मीडियावर देखील तुफान व्हायरल झाले. पण काही नेटकऱ्यांनी दोघांचे फोटो खडकले. ज्यामुळे कमेंट करत अनेकांनी जान्हवी हिला प्रश्न विचारले.
तू कधी तुझ्या नवऱ्यासोबत फोटो पोस्ट का करत नाही? यावर जान्हवीने देखील स्पष्ट उत्तर दिलं आहे. अभिनेत्री म्हणाली, 'त्यांनी फोटो काढायला आणि पोस्ट करायला आवडत नाही. कारण काही मुर्ख लोकं त्याला ट्रोल करायला मोकळे असतात. त्यामुळे आम्ही फोटो काढत नाही...' असं जान्हवी म्हणाली.
जान्हवी हिने अनेक मालिका आणि अल्बममध्ये काम केलं आहे. पण 'आई माझी काळुबाई' या मालिकेमुळे तिच्या लोकप्रियेत अधिक वाढ झाली. 'बिग बॉस'मुळे देखील जान्हवी हिच्या चाहत्यांच्या संख्येत मोठी वाढ झाली. आता अभिनेत्रीला कोणत्याच ओळखीची गरज नाही.
जान्हवी सोशल मीडियावर कायम सक्रिय असते. सोशल मीडियावर अभिनेत्रीच्या चाहत्यांची संख्या देखील फार मोठी आहे. चाहत्यांच्या संपर्कात राहण्यासाठी अभिनेत्री कायम स्वतःचे फोटो आणि व्हिडीओ सोशल मीडियावर पोस्ट करत असते. चाहते देखील अभिनेत्रीच्या प्रत्येक पोस्टवर लाईक्स आणि कमेंटचा वर्षाव करत असतात.
