जिओचे सिम असेल तर 36 दिवसांची चिंता मिटली, मिळणार खास फायदे
Reliance Jio ही देशातील आघाडीची टेलिकॉम कंपनी आहे. जिओकडे आपल्या कोट्यवधी ग्राहकांसाठी विविध प्रकारचे रिचार्ज प्लॅन्स उपलब्ध आहेत. यातील एका खास प्लॅनची माहिती जाणून घेऊयात.
जिओने अलिकडेच आपल्या रिचार्ज पोर्टफोलिओमध्ये असा एक प्लॅन समाविष्ट केला आहे, ज्यामुळे 28 दिवस किंवा 30 दिवसांच्या वैधतेची अडचण संपली आहे. यात जिओ 36 दिवसांची वैधता देत आहे.
जर तुम्ही नवीन रिचार्ज प्लॅन घेण्याचा विचार करत असाल आणि एक महिन्यापेक्षा जास्त काळ चालणारा प्लॅन हवा असेल, तर तुम्ही जिओच्या 450 रुपयांच्या प्रीपेड प्लॅनचा विचार करू शकता. या स्वस्त प्लॅनमध्ये कंपनी अनेक फायदे देत आहे.
या प्लॅनमध्ये युजर्स 36 दिवस कोणत्याही नेटवर्कवर अनलिमिटेड कॉलिंग करू शकतात. ही सुविधा लोकल आणि STD दोन्ही कॉलसाठी उपलब्ध आहे. याशिवाय, दररोज सर्व नेटवर्कसाठी 100 मोफत SMS देखील दिले जातात.
डेटाबाबत चिंता करण्याची गरज नाही. या 450 रुपयांच्या प्लॅनमध्ये भरपूर डेटा दिला जातो. वापरकर्त्यांना दररोज 1.5GB पर्यंत हाय-स्पीड इंटरनेट डेटा मिळतो. दररोजची डेटा मर्यादा संपल्यानंतर इंटरनेट चालू राहील, पण स्पीड कमी होईल.
या प्लॅनसोबत 35,100 रुपयांच्या किमतीचे Google Gemini Pro चे सबस्क्रिप्शन मिळते. तसेच 3 महिन्यांसाठी JioHotstar चे मोफत सबस्क्रिप्शन दिले जाते. टीव्ही चॅनेल्स पाहण्यासाठी JioTV चा अॅक्सेस देखील या प्लॅनमध्ये मिळतो.
