PHOTO | शरद पवारांइतकेच ‘पावसाळे’ पाहिलेला अमेरिकेचा योद्धा, बायडेन यांच्या पावसातील सभेची महाराष्ट्रात एकच चर्चा
अमेरिकेतील राष्ट्राध्यक्ष पदाच्या निवडणुकीचा प्रचार शिगेला पोहोचला आहे. डेमोक्रॅटिक पक्षाचे उमेदवार यांच्या फ्लोरिडामधील पावसातील सभेची महाराष्ट्रात मोठ्या प्रमाणावर चर्चा सुरु आहे. Joe Biden rally in rain at Florida
अमेरिकेतील राष्ट्राध्यक्ष पदाच्या निवडणुकीचा प्रचार शिगेला पोहोचला आहे. डेमोक्रॅटिक पक्षाचे उमेदवार जो बायडेन यांच्या फ्लोरिडामधील पावसातील सभेची महाराष्ट्रात मोठ्या प्रमाणावर चर्चा सुरु आहे.
फ्लोरिडात जो बायडेन यांचे भाषण सुरु असताना पावसाला सुरूवात झाली. परंतु त्यांनी आपलं भाषण न थांबवता ते सुरूच ठेवले.
‘वादळ संपेल आणि नव्या दिवसांची सुरुवात होईल’, अशी कॅप्शन जो बायडेन यांनी फोटोखाली लिहिली आहे. मात्र, पावसाचा जोर वाढल्यानंतर जो बायडेन यांना आपले भाषण आवरते घ्यावे लागले.
जो बायडेन यांच्या पावसातील सभेच्या फोटोची महाराष्ट्रात सध्या प्रचंड चर्चा सुरु आहे. अनेकजण या फोटोची तुलना राष्ट्रवादी काँग्रेसचे अध्यक्ष शरद पवार यांच्या साताऱ्यातील ऐतिहासिक सभेशी करत आहेत.
जो बायडेन यांनी रिपब्लिक पक्षाचे उमेदवार डोनाल्ड ट्रम्प यांच्याविरोधात कडवं आव्हान उभं केलं आहे. अमेरिकेत 3 नोव्हेंबरला राष्ट्राध्यक्षपदाची निवडणूक होत आहे.
राष्ट्रवादी काँग्रेसचे आमदार रोहित पवार यांनी जो बायडेन यांचा फोटो ट्विटरवर अपलोड करुन महाराष्ट्राने 2019 ला जे पाहिलं तेच अमेरिकेतही पाहायला मिळेल, असा अंदाज व्यक्त केला.
डेमोक्रॅटिक पक्षाच्या उपराष्ट्राध्यक्ष पदाच्या उमेदवार कमला हॅरिस यांचांही पावसातील डान्सचा व्हिडीओ व्हायरल झाला होता.
