26 वर्षानंतर ‘मोहब्बतें’मधील समीर कसा दिसतो? फोटो पाहून व्हाल थक्क, या देशात राहून छापतोय पैसा
'मोहब्बतें' चित्रपटामधील समीर 26 वर्षानंतर कसा दिसतो. फोटो पाहून तुम्ही देखील व्हाल थक्क. अनेक चित्रपट हातून गेल्यानंतर अमेरिकेत छापतोय पैसा. संपत्ती किती?
शाहरुख खान अभिनीत 'मोहब्बतें' हा चित्रपट प्रदर्शित होऊन 26 वर्षे उलटली असली तरी आजही प्रेक्षकांमध्ये त्याची लोकप्रियता कायम आहे. या चित्रपटात समीरची भूमिका साकारून अभिनेता जुगल हंसराज रातोरात चर्चेत आला होता. त्याच्या निरागस व्यक्तिमत्त्वाने आणि अभिनयाने प्रेक्षकांची मनं जिंकली होती.
मात्र, मोहब्बतेंच्या यशानंतरही त्याला अपेक्षित यश मिळाले नाही. एका मुलाखतीत जुगल हंसराजने सांगितले होते की, कारकिर्दीच्या सुरुवातीच्या काळात त्याच्या हातातून तब्बल 30 ते 40 चित्रपट निसटले. याचा त्याच्या अभिनय कारकिर्दीवर मोठा परिणाम झाला. त्यानंतर त्याने मोठ्या पडद्यापासून काहीसे अंतर ठेवले.
जॅस्मिनसोबत विवाह केल्यानंतर जुगल हंसराजने भारत सोडून अमेरिकेत स्थायिक होण्याचा निर्णय घेतला. त्याची पत्नी न्यूयॉर्कमध्ये बँकर म्हणून कार्यरत आहे. सध्या जुगल हंसराज स्वतःची निर्मिती कंपनी चालवत असून चित्रपट आणि वेब सिरीज निर्मितीच्या कामात व्यस्त आहेत.
गेल्या 26 वर्षांत त्याच्या व्यक्तिमत्त्वातही मोठा बदल झाला आहे. त्याचे केस पांढरे झाले असून वजनही वाढले आहे. मात्र, त्याच्या चेहऱ्यावरील आकर्षण आजही कायम असल्याचे चाहते सांगतात.
माध्यमांतील अहवालांनुसार, अभिनयापासून दूर असले तरी जुगल हंसराज आर्थिकदृष्ट्या सक्षम आहे. त्याची अंदाजे संपत्ती सुमारे 37 कोटी रुपये असल्याचे सांगितले जाते. निर्मिती क्षेत्रातील कामामुळे त्याने ही संपत्ती उभी केली आहे.
