Kareena Kapoor: पंजाबी कुटुंबातील करीना कपूर रोजा करते का? स्वत: केला मोठा खुलासा
Kareena Kapoor: करीना कपूर ही बॉलिवूडमधील टॉप अभिनेत्रींपैकी एक मानली जाते. ती तिच्या स्टायलिश लूक आणि मोकळ्या मनासाठी ओळखली जाते. पण सैफ अली खानशी लग्न केले आहे. त्यामुळे ती पतीप्रमाणे रोजा करते का? असा प्रश्न अनेकांना पडला आहे. चला जाणून घेऊया...
टीव्हीपासून ते बॉलिवूड सेलिब्रिटींपर्यंत या दिवसांत सोशल मीडियावर कलाकार हे आपले इफ्तार, सहर आणि रोजाची झलक शेअर करत आहेत. अशा परिस्थितीत चाहत्यांच्या मनात अनेकदा हा प्रश्न येतो की, बॉलिवूडचा नवाब अभिनेता सैफ अली खानशी लग्न केल्यानंतर पंजाबी कुटुंबातून आलेली अभिनेत्री करीना कपूर रोजा ठेवते का? तिने आपला धर्म बदलला आहे का? याबाबत करीना कपूर खानने स्वत: खुलासा केला आहे.
करीना कपूरने सैफ अली खानशी लग्न केल्यानंतर आपल्या नावात खान आडणाव जोडले असले तरी, रमजान महिन्यात ती रोजा ठेवत नाही. हा खुलासा तिने स्वतः एका मुलाखतीत केला होता. खरे तर, सोशल मीडियावर करीनाचा एक थ्रोबॅक इंटरव्ह्यू व्हायरल होत आहे. तिने ही मुलाखत 'क्रू' चित्रपटाच्या प्रमोशनदरम्यान दिली होती. हा चित्रपट रमजानच्या काळातच रिलीज झाला होता. त्यामुळे अभिनेत्रीने रमजानबद्दल अनेक गोष्टी सांगितल्या होत्या.
करीना कपूर म्हणाली होती की, "मी रोजा ठेवत नाही कारण मला आजही त्याची योग्य पद्धत माहित नाहीत आणि मी काहीही चुकीचे करू इच्छित नाही. माझे लग्न मुस्लिम कुटुंबात झाले आहे. माझा पती सैफ अली खान रोजा ठेवतो. पण त्याने मला यासाठी कधीही आग्रह केलेला नाही. मला सर्व प्रकारच्या खाद्यपदार्थांची खूप आवड आहे आणि मी दिवसाचे २४ तास खात राहते. मला खूप भूक लागते. अशा परिस्थितीत मी रोजा ठेवू शकत नाही."
करीना कपूर स्वतः पंजाबी कुटुंबातून आली आहे आणि तिने मुस्लिम कुटुंबातील सैफ अली खानशी २०१२ मध्ये लग्न केले होते. करीना आणि सैफ यांनी ना अग्नीला साक्ष मानून सात फेरे घेतले ना त्यांनी निकाह केला होता. या जोडप्याने कोर्ट मॅरेज केले होते.
कामाबद्दल बोलायचे झाले तर, लवकरच करीना कपूरला मेघना गुलजार यांच्या दिग्दर्शनातील क्राइम-ड्रामा चित्रपट 'दायरा' मध्ये दिसणार आहे. या चित्रपटात ती पृथ्वीराज सुकुमारनसोबत दिसेल. याशिवाय 'क्रू २' देखील पाइपलाइनमध्ये आहे. अहवालानुसार, ती राहुल ढोलकिया यांच्या एका अनटायटल्ड चित्रपटात आणि हुसैन दलाल यांच्या चित्रपटातही काम करत आहे.
