Hair Care: शांपूचा वापर केल्याने होते केसगळती ?
आपले केस जर सतत गळत असतील तर त्याबद्दल अनेक प्रश्न उपस्थित होतात. केसांची काळजी घेताना शांपू आणि कंडीशनरचा वापर करणे हे सामान्य आहे. मात्र हाच शांपू केसगळतीसाठी कारणीभूत ठरू शकतो का ? शांपूच्या वापराबद्दल असलेले काही गैरसमज आणि शंका दूर करूया.
असं म्हणतात की, केस रोज धुवू नयेत. मात्र तज्ज्ञ असं सांगतात की, केस रोज धुतले पाहिजेत, त्यामुळे स्काल्पवर असलेला मळ अथवा घाण सहजपणे स्वच्छ होते.
केसांसाठी शांपूचा वापर करणे योग्य नाही, असाही एक गैरसमज आहे. मात्र आपल्या केसांचा पोत लक्षात घेऊन त्यानुसार शांपूची निवड केल्यास स्काल्पवरील अतिरिक्त तेल आणि मळ स्वच्छ करता येऊ शकतो.
शांपू सारखा बदलू नये, असेही काही लोक सांगतात. कोणी सांगितलं म्हणून किंवा नवीन ट्रेंड आला म्हणून सतत शांपू बदलू नये. मात्र तुमच्या शांपूमुळे जर तुम्हाला फायदा होत नसेल, केसांचे नुकसान होत असेल तर शांपू नक्कीच बदलला पाहिजे.
शांपूने रोज केस धुतल्यास केसगळती होऊ शकते, असे म्हटले जाते. मात्र तज्ज्ञ सांगतात की एखाद्या चांगल्या शांपूचा वापर केल्यास आपला स्काल्प स्वच्छ राहतो व आपले केसही मजबूत राहतात.