Health tips : पेरूचा नियमीत आहारात समावेश करा; ‘या’ आजारांपासून मिळवा कायमची सुटका
पेरूमध्ये अनेक औषधी गुणधर्म आहेत. आयुर्वेदामध्ये पेरूच्या सेवनाचे अनेक फायदे सांगितले आहेत. अशाच काही फायद्यांबद्दल आपण आज जाणून घेणार आहोत.
कोलेस्ट्रॉल वाढीला आळा घालते : पेरूला फायबरचे भांडार माणण्यात येते. पेरूमध्ये मोठ्याप्रमाणात फायबर असते. पेरूचे नियमित सेवन केल्याने कोलेस्ट्रॉल वाढीला आळा बसतोच सोबतच पेरूचा आहारात समावेश केल्याने पचनशक्ती देखील वाढते.
व्हिटॅमिन सी : पेरूमध्ये व्हिटॅमिन सी मोठ्या प्रमाणात असते. जर तुमच्या शरीरात व्हिटॅमिन सीचे प्रमाण कमी असेल तर पेरूच्या नियमित सेवनाने तुमच्या शरीरातील व्हिटॅमिन सीची कमतरता भरून निघते.
स्नायूंना आराम मिळतो : जर तुम्हाला स्नायू दुखीची समस्या असेल तर ती पेरूच्या सेवनामुळे दूर होऊ शकते. पेरूमध्ये मॅग्नेशियम मोठ्या प्रमाणात असते. पेरूच्या सेवनामुळे हाडे दुखीची समस्या देखील दूर होते.
कफ वाढीस प्रतिबंध : चुकीच्या जीवनशैलीमुळे अनेकांना कफसंबंधी समस्या उद्भवते. पेरू कफावर एक उत्तम घरगुती इलाज आहे. पेरूचे नियमित सेवन केल्यास कफाशी संबंधित सर्व समस्या दूर होतात.
शरीरातील पाण्याची पातळी भरून काढते : तुमच्या शरीरात पाण्याचे प्रमाण कमी झाल्यास शरीर डीहाइड्रेट होते, ही समस्या दूर करण्यासाठी नियमितपणे पेरूचे सेवन करण्याचा सल्ला तज्ज्ञांकडून दिला जातो.